Öt Haṙivlōn Pòrô Nöng Öt Yaha Aṅ In

Ngaich in töngamuh in ngih manā-aṅ sakāmö. Lökten nö sīöplöre ṙôken minë kanihngen hī. Pi-a min öi kihngen ha-aṅ nômöre. (Hap 3:16-18) Asuh pöri öp mahayööken hī öi öt pa-ekūö öi la-al në tö ngatī kanihngen? Hòṅ ṙātö-ellōnre ayī-ö in Yāvē. Pön kilēḵngôre anga-aṅ töre nö chumkūöken yip tarik re min, pòrô öp tö sitih inlahen cha öthō anga-aṅ nö öt hayööken cha.—Sal 37:18, 19; Hep 13:5, 6.

Inlahen meh kò-òren:

• Vë-ekūötēv öm havëkö kūö Yāvē tö mikah elmat re hēk inyööken re inrē.—Sal 62:8

• Hō tö nup töng kinë-ekūö re la-en, pòrô öm töt ha-eh öm kēken e angū-ö la-en.—g-HI 4/10 pěch 30-31, pòks

• Iṙūöhen in minë la-en ngam Tēv. Örheūheu haköp mat Paipöl, chuh el mīting hēk chuh el fīl inrē.

NGËICHKÖ NGAM VITIŌ MĀNLÖ ÖP PATĪ TÖT HŌ NÖ HANLÖINYKEN—ṘAMLŌN IN NUP TÖNG AṄ IN RE,” NGAICH KĒTÖ SANAPṘÔ NË INTÖÖNÖ:

• Asuh nup kanihngen yip mikūönö nö ihih?

• Asuh nup tö hòṅ urěhlöng tö hī?

• Sitih inlahen öi hayööken më prötör sistör tö kihngen?