SĀ TINRĪKEN KRISTĪÖN
Mikahtökūöre tö Nup Kuilōn Yāvē
Lōnu ayī-ö tö Yāvē nö ṙāmlōn tö nup töng kahëken hī la-en. (Inch 27:11) Lökten nöng hòṅ sa nup lōn Yāvē nup katöllö hī. Sitih inlahen ayī-ö tö nup chööngö tö hö-övö nö imat ngam Paipöl?
Örheūheu haköp mat Paipöl. Sā kamënyö ṙētakre ayī-ö hanôlö Yāvē yē hī vë-ekūö ngam Paipöl. Yē hī inrē chumkūöṙen vë-ekūö ngam Paipöl, ngaich akahakūö ayī-ö tö inlahen Yāvē nö in yip tarikre, hēk akahakūö tö yip tarik aṅ mat ngam Paipöl inchōḵ elmat hī nö tövayö la-en nö imat Yāvē hēk tö yip tarik inchōḵ elmat hī töt lööngö la-en. Yē hī ngatī inlahen vë-ekūö ngam Paipöl ngaich akahakūö ayī-ö tö nup mufē Yāvē. Ngaich yē hī katöllö nup kūilōnre, ngaich fēlen hī min ngam töhet kumlēḵ tö nup haköp hī aṅ mat ngam Paipöl.—Yô 14:26.
Chöh man. Yěm katöllö nup lōn re ngaich hòṅ hatönöre më-eṅ, ‘Sitih inlahen el mat Yāvē tö u? Isuh öich teūngen tö nup miröökö imat ngam Paipöl hēk nup inlahen yip tarik? Havëkö inyöökenre in Yāvē.’ Ngaich chöh mat nup līpöre i ëlô meh. Ngaich asīnken nup chahöhre lökngörit chööngö aṅ mat ngam Paipöl.—Sal 25:4.
NGËICHKÖ NGAM VITIŌ HOLTÖ MANÖÖYÖRE FAL—NYĀ TÖ KUCHIK NYĀ-AṄ, NGAICH KĒTÖ SANAPṘÔ NË INTÖÖNÖ:
Asuh öp kanihngen ngam ṙālö sistör ngam tö meūkö nö imat ngam vitiō?
Sitih inlahen öm chöh imat nup līpöre yēḵ meh ngati inlahen kanihngen?
Asuh nup yanöölen hī yē hī kēnyö ṙētakre haköp hēk chöh inrē?—Hep 5:13, 14