6-12 MĒ
SALMAI 36-37
Tinköökö 87 ngaich Vinë-ekūötēv | Töhakööpö Min (1 min.)
1. “Um Haṙivlōn Kūö Më Tötlöök Tarik”
(10 min.)
Pōyen miṙivlōn hēk kanihngen in, kūö minë la-en më tötlöök tarik (Sa 36:1-4; w17.04-HI pěch 10 përa 4)
Höng vamītö kanihngen re in yē hī öi tainy öi in vë tötlöök tarik (Sa 37:1, 7, 8; w22.06 pěch 10 përa 10)
Aṅhav in ayī-ö tö ngam lanāmö yēḵ hī ṙātö-ellōnre in minë kinlēḵngô Yāvē (Sa 37:10, 11; w03-HI 12/1 pěch 14 përa 20)
HATÖÖNÖRE MAN, ‘Yahlö mat öich chū-ö meuk minë niūs inlahen më famëlhang hēk tötlöngö la-en inrē? Uich höng lökngöre lohten ngaich tö kūö u?’
2. Töhakööpö Töpōiṙāi
(10 min.)
Sa 36:6—Tö sitih manah öng ngam lanöökö Yāvē nö sā minë tö “marô-òl rôngö [hēk “rôngö ngam Tēv,”]”? (it-2-E pěch 445)
Asuh nup töpōiṙāi haköplö meh in ngam tö vë-evkūö el ngih afta?
3. Miröökö Tövë-evkūö
(4 min.) Sa 37:1-26 (th-HI Kun 10)
4. Rěhnyôre Vë-ekūö Tarik
(3 min.) CHUH KŪÖ PATĪ AHĀNGA. (lmd lesön 1 point 5)
5. Havanröön Re
(4 min.) CHÖH LÖKNYÖ ṘÔ RE AHĀNGA. Hatön ngam tarik yěn hōḵ nö haköp mat ngam Paipöl ngam tö sōḵ sin nö haköp. (lmd lesön 9 point 4)
6. Minkahten
(5 min.) w14 9/15 pěch 22—Kui Minkahten: Kô-en ang min Yāvē nö öt hěngö hanakten tī tö nyā-aṅkūö më Kristīön? (Salmai 37:25) (th-HI Kun 13)
Tinköökö 33
7. Hīnöre Öm Më-eṅ La-al Nup “Kanihngen”?
(15 min.) Holṙô re kakken në.
Keuheūtngöre chūök töngamuh nö ing panam më prötör sistör hī tö kihngen kūö minë tö faltöre pinlāngen hēk kūö tī më tarik inrē. Angū-ö lāinyngen cha nö kapahlöng tö yip holmaneukre hēk keuheūtngöre inrē minë chehen cha tö kūö minë tö ngatī kanihngen. Mihôiṅ inrē ayī-ö ngatī inlahen “kanihngen.” (Sa 9:9, 10) Lökten ayī-ö hòṅ hīnöre urēhěkūö yanīhi u.
Asuh nup mihôiṅ inlahen hīa tö hòṅ kēkaṙen?
Halēn ellōnre: Asehkūöre yěn yih nup tö faltöre pinlāngen. Sitih inlahen më-eṅ yěn yih anū-ö. Um yahlö lōn tö minë kanòlô re. Ngaich möl min më-eṅ holtö mikah elmat re yěn yih nup tö faltöre pinlāngen. Fēkö linaklö ngam nômöre min më-eṅ hēk linaklö nômö yip tahëng inrē. (Ra 19:16; Sa 36:9) Öt yaha miṙivlōn min më-eṅ tö nup chehenre.—Sa 37:19
Hangön ngam innôlöre in Yāvē: Ṙātö-ellōnre man tö Yāvē nö mihôiṅ nö chumkūöṙen tö meh hēk lōn ò inrē angū-ö. (Sa 37:18) Yěn pòrô nö ṙòkngöre nup chehen hī, ngaich hòṅ köplōn ayī-ö tö Yāvē nö ‘laklö ngam nômö’ hī hēk hachō-okūö hī inrē.’—Yar 45:5; Sa 37:23, 24
Yēḵ hī min ṙātö-ellōnre tö Yāvē nö hateungngö nup taṙòkhöre kilēḵngôre ngaich sā vamī an min ayī-ö nö ‘inyatlöre el ṙētak kanihngen.’—Sa 37:39.
Meuk ngam VITIŌ Ngaich Öm Hööngöre Tö Nup Tö Faltöre Yanīhi Pinlāngen? Ngaich hatön më hamang:
Sitih inlahen mihôiṅ Yāvē nö hayööken hī el ṙētak nup tö faltöre yanīhi pinlāngen?
Asuh nup mihôiṅ inlahen hī el ṙētak nup tö faltöre yanīhi pinlāngen?
Sitih inlahen öi hayööken më prötör sistör tö lökngöre tö ngam tö faltöre yanīhi pinlāngen?
8. Inkööpöṙô Paipöl el Ngam Māṅ
(30 min.) bt-HI lesön. 9 përa 8-16
Māngôre Tö Minë Töhakööpö (3 min.) |
a Ngëichkö ngam Hīnöre!-HI No. 5 2017, pěch 4-6.