6-12 CHÖNVÖRĪ

SALMAI 127-134

Tinköökö 134 ngaich Vinë-ekūötēv | Töhakööpö Min (1 min.)

KANÒLÔ AṄ IM ṘÔ NGAM TĒV

1. Yī-ö Inyööngö, Chumkūöken Më Töpōṙāi Yin Amin re

(10 min.)

Mihôiṅ yin më inyööngö nö hayönglenre nö in Yāvē tö ò min nö hayööken cha nö hateungngö nup hanakten ngam mikūönöre (Sa 127:1, 2)

Töpōiṙāi yin më nyīö nö inlōnti nö lamöktö in Yāvē (Sa 127:3; w21.08 pěch 5 përa 9)

Haköpten më nyīö tö nup tö yöölen tī tö cha (Sa 127:4; w19.12-HI pěch 26-27 përa 20)

Ngam inyööngö kikōnyö nö haköpten minā tö kūöṅnö kūönre nö löktö in ngam prōsör “Haköp Chu Imat Paipöl.” Fēkö inlahenre minā nyīö nö el ngam tufömngöre panam nö nyamtô nö in ngam höttī hēk töm korilla. — Yěn in Yāvē inyönglen më inyööngö nö chumkūöken më kūönre, ngaich ṙamlōn ang Yāvē nö in cha.

2. Töhakööpö Töpōiṙai

(10 min.)

Sa 128:3—Kūö yòh öng ngam kamūich ngam salmai nö ngöṙô tö më nyīö nyin nö, sā òliv chōn? (it-1-E pěch 543)

Sanapṙô
Asuh nup töpōiṙāi haköplö meh in ngam tö vë-evkūö el ngih afta?

Sanapṙô

3. Miröökö Tövë-evkūö

(4 min.) Sa 132:1-18 (th-HI Kun 2)

ṘŪÖHLÖ HEUNEŪ-EN RE IM LA-EN INHĀNGA

4. Rěhnyôre Öm Vë-ekūö Tarik

(3 min.) CHÖH LÖKNYÖ ṘÔ RE AHĀNGA. (lmd lesön 1 point 3)

5. Rěhnyôre Öm Vë-ekūö Tarik

(4 min.) CHÖH LÖKNYÖ ṘÔ RE AHĀNGA. Vënyö ngam ṙinātö-ellōnre ngam tarik tö minë töt sāḵta ṙô nö im Paipöl. (lmd lesön 5 point 4)

6. Vītö Mahaköp

(5 min.) lff lesön 16 points 4-5. Vë-eny nang ngam tö kē-ě istötī tö meh yěm öt yih min ip i afta, ngaich sitih inlahen mihôiṅ ngam istötī ò nö kēkaren. (lmd lesön 10 point 4)

SĀ TINRĪKEN KRISTĪÖN

Tinköökö 13

7. Yī-ö Inyööngö—Yūs Ngam Töt Insā-av Hòng Yī-ö Tī Mahaköphöti?

(15 min.) Holṙô re kakken u.

Ngam söngkötön Yāvē ön mahalēnlö minë tö ṙōlkangen ātiköl, vitiō, hēk tö minë tahëng inrē līpöre nö mahayööken më inyööngö nö haköpten më kūönre tö nup tinrīken Yāvē. Sön pöri nö ōt, ngam tö mötlö nö in u tö cha nö hòṅ tövai nö inchōḵ-okūö.—Chö 6:5-9

Ngatī inlahen ök inrē Yēsū nö yūs minë töt insā-av inlahen tī mahaköphöti nö haköpten yik haköptöre.

Vë-evkūö Yôhan 13:13-15. Hatön më hamang:

Kūö yòh öm ngölōn tö ngam inlahen Yēsū nö töt insā-av yēḵ ò nö hameuktö inchōḵ elmat yěn haköphöti?

Sanapṙô

Yī-ö inyööngö, yēḵ yīö min öi hameuktö minë ṙô re öi in minë la-enre, ngaich pōyen haköplö min më nyīö nö löktö in u. Meuk minë tövai inlahen meh min më nyīö ngaich hang chööngö meh min cha-a hēk hangṙô meh inrē.

Minë nyat: Alaha ngam vitiō “Löktö In Ngam Tövai Tinrīkenre Öm Inchōkūö Më Kūönre.” 1. Ṙòkhöre më mikūönö Karsiā nö el ngam lôri nö chuh el mīting. 2. Im invanö cha nö ṙā-ang el mīting, ngaich mūl cha-a nö ūichhaka nö nyā minë isnëk ngaich vë-ekūöre. 3. Sökngö inlahenre ang prötör Karsiā nö haköp ngaich vë-ekūö ngam töhěng tak kūönre kikānö. 4. Löknyö mat Paipöl ṙô nā prötör hēk sistör Karsiā nö vë-ekūö ngam töhěng tak kūönre kikānö.

Meuk ngam VITIŌ Löktö In Ngam Tövai Tinrīkenre Öm Inchōkūö Më Kūönre. Hatön më hamang:

Asuh öp töt ṙanāngen haköptö nā prötör hēk sistör Karsiā nö in minā kūönre kikānö?

Sanapṙô
Asūp haköplö meh in ngih vitiō, im inlahen meh öm tö hòṅ vai öm inchōḵ-okūö më kūönre?

Sanapṙô

8. Inkööpöṙô Paipöl el Ngam Māṅ

(30 min.) bt-HI lesön 20 përa 13-20