Lumnööṙö Yīö
Öi Vamë-ekūö e
El ngih Chūökamahati taneui nun në töhakööpö ātiköl in ngih etisön tö kakka min tö hī. Në yih ṙô min haköp hī:
In ngam raneh ātiköl min öi mikahtökūöre tö Yāvē nö hangenlōn tö taṙòkhöre tarik ngaich sitih inlahen tī anga-aṅ nö hayööken hī öi la-al ngam tökööl.
In ngam innëtö ātiköl min öi mikahtökūöre tö manah ngam inlahen hī yěi haṙivlōn tö tököölre ngaich sitih inlahen tī Yāvē nö hayööken tarik nö hameuktö miṙivlōnre tö nup tököölre.
In ngam linūöyö ātiköl min öi mikahtökūöre tö inlahen ök töfāluṙen tarik el ngam māṅ i Kòrin, öt hameuktö miṙivlōnre pöri anga-aṅ tök fālenre, ngaich asuh nuk inlēnö kahëtö Yāvē nö in ngam māṅ i Kòrin.
In ngam finënö ātiköl min öi mikahtökūöre tö inlahen öp tarik töngamuh yěn kēken öp tökiröng fālen, ngaich hòṅ sitih inlahen tī më minṙöinylen nö kahòkken ngam fālen.
In ngam tinneūyö ātiköl min öi mikahtökūöre, yěn hěngtak öre öp tarik töha-uknyu tö ngam māṅ, ngaich sön nöng hòṅ sitih inlahen më minṙöinylen tö më tahëng prötör sistör inrē nöng hameuktö ngam hanangenlōn töm miṙēḵlōnre inrē tö ò.