Haköpngöre In Yāvē

1. Tökô-en Tēv, yöng ih Yāvē

Öt hō in min ṙāngen meh.

Hang nup chööngö öi hang ṙô meh,

Nuk ṙô ih kilēngôre.

Yē ih hang inlēnöre min

Ngaich öt hō öi öt mihôiṅ

Hayönglenre öi höng in meh,

Pöm öt hō min ṙāngen ih.

2. Hol maneuk ih min yěn kihngen

Öt hō min öi ṙāngen cha.

I nup ṙô re hēk la-en re,

Min öi höng haṙūtken cha.

Öt hō min öi höng hökngen cha

Nöng el nup kanihngen re.

Ṙamölōn min, öi meukṙen höö

Pöi kö hangenlōn tö höö.

3. Yěn kahëtu yip minröinylen

Tö nup ṙô inlēnö min.

Chaphöt u min öi ellōnre,

Chumkūṙen öi hāngö u

Ngaich hēk-hēk nö ngönlöre min

Ngam innôlö ih in meh

Yěi höng in meh inyönglen min

Teūngen min tö inkòlô.