Tinköökö 159
Kētö Nöönyö Yāvē
(Salmai 96:8)
1. Tēv man Yāvē, töha-öönyö,
Tēv tömihôiṅ öm hayöng.
Höng öt kanô-òvö chin hō
Haṙënngen në tī meh in chu.
Yöng ṙôken nun në la-en meh
Në la-en meh pinngangkū.
Tēv chu Yāvē, suh öich chū-ö,
Töp lānyngen meh köplōn tö chu?
(CHORUS)
Nöönyö meh yē, Yāvē öm Tēv, yöng chu
Hòṅ harōilen meh chin yē
Töhangenlōn öm töt insā-avö
Hòṅ ha-öönyö meh chin yē
Öm tökô-en Tēv yöng chu.
2. Ha-öönyöm yip, ma-ahānga
Kërup milēṙen tö meh.
Vënyöm lanöökö meh chin yē
Töm yöng minā-aṅ meh inrē.
Më-eṅ man, Tēv chu, hamòlṙen,
Öm tö milēṙen tö chu.
Aṅ in meh an ngam kumlē chu
Örheūheu min öich löklōn meh.
(CHORUS)
Nöönyö meh yē, Yāvē öm Tēv, yöng chu
Hòṅ harōilen meh chin yē
Töhangenlōn öm töt insā-avö
Hòṅ ha-öönyö meh chin yē
Öm tökô-en Tēv yöng chu.
3. Kū kuntī meh ngam halīngö
Töng panam chūk chu iyöng.
In në vahī meh nö meūkö
Ngam yöng neūkölōn meh tö chu.
Meūkö mikah töm kumlē meh
Inköptö chu nun tö meh.
Kū yòh öich min öt ha-öönyöm
Vahīlöm nun nöng ṙòkhöre?
(CHORUS)
Nöönyö meh yē, Yāvē öm Tēv, yöng chu
Hòṅ harōilen meh chin yē
Töhangenlōn öm töt insā-avö
Hòṅ ha-öönyö meh chin yē
Öm tökô-en Tēv yöng chu.
(Ngëichkö në inrē Sal. 96:1-10; 148:3, 7.)