Inlēnö Hī Chöh Nup Haköpre

Tövai Inlēnö Më Nyīö

Yī-ö inyöngö tökiröng ön ngam la-en yīö öi haköptö më kūön re tö inlahen Yāvē. (Efi. 6:4) Pōyen minë inyööken meh töhalēnlöng lamöktö el ngam söngkötön Yāvē tö minë ātiköl, vitiō hēk tinköökö inrē. Sitih inlahen tī më-eṅ mihôiṅ öm yūsö e öm löngö tī haköptö më kūönre?

• Chuh el ngam JW.ORG. In e minë tö pōyen minkahtölōn tö halēnlöng nö inyööken më nyīö hēk më ṙālö inrē. Tö sā minë vitiō hēk inrūnö më nyīö im kinūichö hēk trōing inrē.a Yěm hòṅ chöhö u ngaich kò-òren öm taëp ngam “Inyööken Më Kun Nyīö” hēk “Ṙālö” el ngam “chöh” pòks.

• Asā ṙēḵti më nyīö öm katöllö ngam minkahtölōn. Teūngen min më-eṅ tö inyööken më kūön re lökten in ngam seksön “Inyööken Më Kun Nyīö.” In ngam seksön “Inyööken Minë Mikūönö” inrē öm mihôiṅ teūngen tö minë tö pōyen tövai inlānö.

• Holṙô më kūön re kakken u. Un yūsö minë vitiō nöng sinôngen më nyīö nö ṙënu nö i patī, hēk un rööngö nöng kinëtö prektis cha. Holṙô re pöri öi kakken u tö cha hēk yūsö u nö inngönlö ngam innôlö cha nö in Yāvē.