Kē Haköpre Löktö In Minë Nyat

Pōyen nun ṙung minë nyat yamih nö el minë pöplikēsön hī. Haköptu ayī-ö tö minë töt ṙanāngen tövai inköphöti öi löktö in minë nyat. Sitih inlahen pöri ayī-ö mihôiṅ haköplu lökten in u?

• Mihôiṅ öm ilööṙen öm ngëichkö minë nyat imat ngam vahë-ekūö meh ātiköl. Kūö yòh? Yěi silôhukūö ṙung tö nup tökuchik nyā-aṅkūö, ngaich ilööṙen ṙung ayī-ö hòṅ kalahken u. Ngatī inlahen ayī-ö yěi meuk minë nyat tö kētu nö in minë ātiköl, ngaich hòṅ kūyulōn ṙung ayī-ö töre öi hakööpö u. Lökten urēhěkūö meh öm vë-ekūö öp töhěng ātiköl ngaich ngëichkö öp nyat më-eṅ imat e, ngaich hatöönöre öm ngö ṙô, ‘Asuh öp ihih tö hameuktu?’—Amôs 7:7, 8.

• Fēkö inlahen minë nyat nö kūö yòh anū-ö nö kētu nö in im ātiköl. Haköp minë kěpsön ngam nyat hēk yěn kētu inrē minë inlahen ngam nyat ngaich kò-òren inrē öm haköpö u. Chumkūöṙen tö minë nyat nö sitih inlahen anū-ö nö sāḵta ṙô nö in ngam ātiköl. Ngaich fēkö minë haköplöre öm in minë nyat hēk sitih inlahen mihôiṅ öm kēkö kaha u.

• Unôichrit inlahen meh vë-ekūö minë ātiköl, kò-òren öm havantö matre ngëichkö minë nyat ngaich afēkö inlahen minë tötṙanāngen haköpre. Ngaich mihôiṅ öm kalahtenre michngö matre öm fēkö inlahen minë nyat hēk fēkö inlahen minë haköpre inrē.

• Kalahtenre öm chěi ngëichkö minë nyat tö kētu nö in ngih ātiköl ngaich fēkö nup haköp hī öi lökten in u.