“Um Yaha Piṙūtka”

Hayööken yik yāich tarik misī ang Yāvē i Israel. Sitih inlahen anga-aṅ töngamuh nö hayööken yip tarik re töyāich töhāṅten?

• Haköpten cha anga-aṅ nö un yahlö lōn töm rupīö.—Lū 12:15; 1Ti 6:6-8

• Hayööken cha anga-aṅ nö havaikö tinrīken re un höng ha-öichngen re.—Yōp 34:19

• Haköpten cha anga-aṅ nö harëtnyö elmat re nö ha-aṅkö nômöre, ṙūöhngöre inrē tönup la-en tö chōchö tī töm alaha.—Inch 14:23; 20:1; 2Kò 7:1

• Kē-ěkūö cha inrē tö më töhāngenlōn holmaneuk cha tö keuheūtngör chūök.—Yô 13:35; 1Yô 3:17, 18

• Kētö maheūṅkkö cha anga-aṅ.—Sal 9:18; Isa 65:21-23

Pòrô öm öp töyòh lanāḵti tinrīken öm tarik, sön um yaha piṙūtka. (Isa 30:15) Yēḵ meh min urěhlö nup kuilōn Yāvē, öthō anga-aṅ nöt chumkūöṙen tömeh.—Mët 6:31-33.

NGËCHKÖM VITIŌ APKĀ PIĀR KAPHI NĀ MITĒ . . . FIR CHAHĒ ĀP KÖRIPĪ KI MĀR CHĔL RÖHĒ HŌ—KÒNGKŌ, NGAICH SAPṘÔ NË INTÖÖNÖ:

• 

  Sitih inlahen më prötöör-sistöör tö patī-ivö im kamngö chūök ngam könvensön nö höngkö kūö më holmaneuk re lamöktö tahëng panam?

• 

  Sitih löktö mikahlōn ayī-ö ing vitiō tö Yāvē nö chumkūöṙen tö yip yāich tarik?

• 

  Asuh nup kò-òren asīnkö hī inlahen Yāvē, yěi töpōi rupīö pòrô hēk yāich inrē?