Vī Ngam Fīlt Sörvis Mīting Nö Töyöölen Tī

Sā inlahen minë mīting tökēkaṙen nö el minë māṅ, ngatī minë mīting chö-önytö ngam fīlt sörvis nö töhalēnlöng tö Yāvē nö mahayööken hī ṙūöhlö hanāngenlōn re tö höö. (Hep 10:24, 25) Ötkô anū-ö nö tô-òlkūö tö tö 7 minit. (Hòṅ cheūḵta anū-ö yěn unôichrit nup mīting nö kēkaṙen.) In e nö katöölö më pöplisör tö yip holröön re, vënyu nang inrē tö chūök re, ngaich kētu ngam vinë-ekūötēv. Öp prötör mahayöngken ngam mīting ip hē e, hòṅ halēnkö nup vahënyö re anga-aṅ tö yöölen tī min tö yip pöplisör yěn vë-ekūö tarik. Ōt yip prötör sistör yamihtökūö nö el sanichār, hòṅ vënyu nang cha-a inrē tö nup ṙô re yěn vë-ekūö tarik. Asuh nup inrē tömihôiṅ nö kakka hē e?

• Minë inchōḵtô vamë-ekūöre imat ngam Tinrīken Hī Kristīön Hēk La-en—Pustika Mumting

• Mihôiṅ öi harunö yūs minë samachār nö löknyô hī vë-ekūö tarik

• Mihôiṅ öi harunö öi la-al nup ṙô insökngô

• Mihôiṅ öi harunö vë-ekūö yip töt ṙamātö ellōnre nö im Tēv, yip ṙamātö ellōnre inrē tö hī ṙama-ang in minë töṙeūla, yip tö tahëngö ëlô, yip tö tahëngö tinlööken inrē

• Ngam inlahen hī öi yūs ngam vepsāit jw.org, ngam JW Laeprërī ëp inrē, hēk inlahen hī yūs ngam Paipöl

• Ngam inlahen hī öi yūs minë Chehetī Mahaköphöti

• Ngam inlahen hī ahangköm tölöök inhānga löktö el fôn, kinūichö chitri, ichūök tömaṙôngö tarik, el invanröön chinööha hēk kinë-e Paipöl istötī inrē

• Vënyö nup töhôṅ chumkūökaṙen tö hī yēḵ hī chuh el fīlt tö sā ngam inlahen ṙô hī vë-ekūö tarik, sitih inlahen öi milēḵṙen tö cha

• Kakkö öp töhěng lesön hēk vitiō imat ngam Chī-Chān prōsör

• Kakkö minë inlahen hī öi hareuskö alaha ngam holröön re

• Inlahen öp töhěng miröökö mahayööken hī iṙuöhen ahangköm tölöök inhānga