Minë Ṙô Hī Vë-ekūötēv Tö Pōiṙāi Anū-ö Nö In Yāvē

Yēḵ nup ṙô hī vë-ekūötēv nö asā nup kuilōn Yāvē, ngaich sā ṙēngen öp töfööngö tötahūsa min angū-ö ngam tö örheūheu nö fööngö el ngam töhet chūök hī vë-ekūö Yāvē. (Sal 141:2) Löktö im vinë-ekūötēv öi vë-eny nang Yāvē töre öi hangenlōn tö ò. Mihôiṅ inrē öi vë-eny ṙô ellōnre hēk vë-enyö minë kanihngen re, hěnghöre havëkö inchōḵ-o kūöre inrē öi in ò. Yēḵ hī min vënyen u in Yāvē, ngaich hameuktöre min ayī-ö öi tökô-en öi hol ò. Minë el mīting vinë-ekūötēv tö cheūtòng kinëka, sön ang Yāvē nö hō-en u pò e nö alaha ngam vinë-ekūötēv inrē. Ṙamlōn anga-aṅ yěi ṙòngnyö kūö ellōnre hēk marò-òtiṙô öi vë-ekūö ò yē hī öi hěngtak.—Inch 15:8.

NGËICHKÖ NGAM VITIŌ ÖRHEŪHEU CHŪ-Ö VË-EKŪÖTĒV, NGAICH KĒTÖ SANAPṘÔ NË INTÖÖTÖ:

• Asuh nup inlahen prötör Chònsön nö i linöökö lōn Yāvē?

• Sitih inlahen ang prötör Chònsön nö nö hameuktö ngam ṙinātö-ellōnre nö vë-ekūö Yāvē?

• Asūp haköplö hī in ngam ekspirīön prötör Chònsön?