SĀ TINRĪKEN KRISTĪÖN
Asīöp Ngam Ṙinatö-ellōnre Im Ṙô Ngam Tēv
Tövai nup inlēnö hī imat ngam Paipöl. Mihôiṅ nö haṙīngöre min nup tinrīken hī yē hī hō-en u. (Hep 4:12) Höng yē hī pöri ṙātö-ellōre tö u “nö ṙô ngam Tēv.” (1Tö 2:13) Sitih inlahen öi asīöp ngam ṙinatö-ellōnre im Paipöl?
Vë-ekūö ngam Paipöl. Chumkūöṙen më-eṅ tö nup ṙô ngam Tēv, yēḵ meh vë-ekūö ngam paipöl. Sā ngih inchōḵ elmat, ngëichkö ngam inlēnö imat ngam līpöre Inchōḵ-oṙô. Tö u töngamuh nö ṙömöng mihôiṅ nö inlēnö hī.—Inch 13:20; 14:30.
Aṙū-uti ṙô yěm vë-ekūö öp töhěng inlahen imat ngam Paipöl. Chumkūöṙen ngëichken u hòṅ meh akahakūö tö ngam Paipöl nö kahūich ngam Tēv. Vë-ekūö ngam ātiköl “ṙôkhöre nun në töhet līpöre nö tö uhômhötvö nö ellōn tö ngam Tēv,” imat ngam Kōchpinkait Më Vamënyen Yāvē, lātaṙeū tö ngam kui “Paipöl” Ngam tahëng inrē ngahëichkö meh kô-òren im Atirik Lēk A3 imat ngam New World Translation. Ngaich sīöp min ngam ṙinātö-ellōn meh tö nup ṙô aṅ ngam Paipöl nö sa inlahen nuk kinūichö u nö la-urěh.
NGËICHKÖ NGAM VITIŌ KŪÖ YÒH ÖI ṘATÖ-ELLŌNRE . . . IM ṘÔ NGAM TĒV, NGAICH KĒTÖ SANAPṘÔ NË INTÖÖNÖ:
Sitih inlahen öng ngam ṙô ngam Tēv nö kanô-en in ngam tö meūkö in ngam tö ka-īpö taneūngen cha nö ikaha öp töhěng mantir i Karnak i Aikūp?
Sitih mikahkūö öi tö nup ṙô ngam Paipöl nö öt haṙīngöre?
Kūö yòh öi töngamuh ṙātö-ellōnre tö ngam Paipöl nö ṙô ngam Tēv?—Vë-evkūö Isayā 40:8