Mirūlö 13
Sitih Inlahen Öm Yĕm Hòṅ Chöh Öp Tökô-en Tinlööken?
Ṙòkhöre ön në tinlööken nö ṙāmölōn tī töm Tēv, Höng hĕng ap ṙöng? (1)
Kūö yòh ön töngamuh nö ṙōl minë tinlööken ameūköre nö kristīön? (2)
Sitih inkahkö aich vē tökô-en kristīön? (3-7)
1. Yēsū ök yumnônyö ngam tökô-en kinristīönö. Lökten yin töngamuh nöng hĕngö alaha hēk höng hòṅ hĕngö kiteūm vē tökô-en vamë-ekūö ngam Tēv Yāvē. (Yôhan 4:23, 24; Efisös 4:4, 5) Vënyu nang in töm töhet līpöre tö yip tarik lamök im tö cheūkti talöökö chamuh im nômö nö öt pōyen.—Mëtiv 7:13, 14.
2. Urĕhngöre ṙô an ngam töhet līpöre nö vë-eny nang hī tö yik tanīnöṙô misī nöng chuh hë ngaich min nup tövaich inköphöti hēk minë la-en töt kahëken kristīön nö hanreūtö kunhëthöt nö el ngam māṅ. Hĕnghöre tūökngen më tarik min cha-a pò cha nö hòṅ töömörit tö cha nö öt tömrit Kristū. (Mëtiv 7:15, 21-23; Inlahen 20:29, 30) Lökten in töngamuh meuk në töpōyen tinlööken ameūköre nö kristīön. Sitih inkahka aich vē tökô-en kristīön?
3. Hĕng ön ngam tö kiröng inkaha vē tökô-en kristīön, ngam tökô-en hanāngenlōn cha tö höö. (Yôhan 13:34, 35) Öt haköptu yin töre nö ĕhten tö më hol re tö tahëngö ëlô, tö tahëngö el mat inrē. Öt rĕhĕn yin nö haköptu nö surīkhö aṅ tahëng panam. (Inlahen 10:34, 35) Lökten yin nö öt in minë kinyūngö. Sā hanāngenlōn tökô-en hanöng kisānöre yin vē tökô-en kristīön tö höö.—1 Yôhan 4:20, 21.
4. Ngam tahëng inmeuktö inkahkö vē tökô-en kristīön tö cha nö ṙòkhöre nö kirööngö minlēḵṙen töm töhet līpöre. Hō-en e yin nö ṙô ngam Tēv hēk ṙātö ellōn re nö in minë ṙô e. (Yôhan 17:17; 2 Timòtī 3:16, 17) Mötlö minlēḵṙen yin tö minë ṙô ngam Tēv tö minë ṙô tarik inköphöti. (Mëtiv 15:1-3, 7-9) Holtö panītnyöre yin nö kēkökaha minë ṙô haköp re minë aṅmat ngam töhet līpöre nö kaheuk sakāmö. Lökten yin nö rö ö nöng haköp tö holre ngaich mahngen u nö i nup la-en re.—Taitös 1:15, 16.
5. Töhòṅ milēḵṙen an inrē ngam tökô-en tinlöökö töm minë-eny ngam Tēv. (Mëtiv 6:9) Vënyu an nö i taṙòkhöre tarik ngam minë-eny ngam Tēv tö Yēsū nö Yāvē. Hōtu yin vē tökô-en kristīön nö ngatī. (Yôhan 17:6, 26; Rōma 10:13, 14) Achīö yip tarik aṅ chīṙö patī meh tö ngatī inlahen nö vë-eny nang hol re tö minë-eny ngam Tēv?
6. Hòṅ ahangkö yanīhi ngam pūlngö ngam Tēv yin vē tökô-en kristīön. Pò Yēsū misī nö ngatī. Örheūheu ök nö kakkö inlahen ngam Pūlngö ngam Tēv. (Lūkös 8:1) Hōtö yik haköptöre inrē anga-aṅ nö ahangkö yanīhi ngam pūlngö ngam Tēv nö keuheūtngöre chūök i në panam. (Mëtiv 24:14; 28:19, 20) Ṙātö ellōn re yin vē tökô-en kristīön tö ngam pūlngö ngam Tēv tö e nöng angu-ö min tö mihòiṅ nö vītö ngam tökô-en lanāmö kumchikṙen inrē nö ikūö ngih panam.—Salmai 146:3-5.
7. Öt aṅ ngih tötlöök panam yin vē mahaköp nö in Yēsū. (Yôhan 17:16) Öt mūlhöt yin nö inup la-en ngih panam hēk nup ṙô tarik töthamô-en höö inrē. Marôvat yin tö minë tinrīken löktö yanīhi minë chanökhuṙen, hēk tö nup sunrīkhö maheuṅk hī töngamuh ikūö ngih panam. (Yāköp 1:27; 4:4) Maheūku öm ṙung tö tö ngatī inkahka tarik i chīṙö patī meh yip tö aṅhav in tö inkahkö tökô-en kristīön?
[Kepsön el ngam pēch 27]
Hāngenlōn yin töhöö Milēḵ töm töhet līpöre Ahangkö ngam Pūlngö ngam Tēv