Sitih Inlahen Öi Mihôiṅ Haköplōnre Tö Minë Miröökö?

Kihngen öm më-eṅ öm haköplōnre tö nup ööilōnre miröökö? Lohten nö anū-ö në miröökö mahareuskö alaha meh, mahayööken meh kēnyen nup tötlöng mufē elkuilōnre hēk minë tö hòṅ vahënyö meh inrē in yip tahëng. (Sal. 119:11, 111) Sitih inlahen më-eṅ mihôiṅ öm haköplōnre tö u? Ta-a töi chumkūöṙen tö nup i inlēnö.

• Yūs ngam tëk in ngam JW Laëprëri ëp. Yē meh öm vë-ekūö Paipöl öm el ngam JW Laëprëri ëp, ngaich teūngen më-eṅ töp töhěng miröökö, ngaich lōnu më-eṅ töre öm hòṅ haköplōnre tö e, ngaich mihôiṅ më-eṅ öm tëkngen e. Mihôiṅ më-eṅ öm “Ööilōn Chu Miröökö,” ngatī öm kūichtö minënyö ngam tëk. Lööṙen min më-eṅ öm chöh minë miröökö ööilōnre yěm ngatī inlahen.

• Hěngkang chūöktī öm kūichngö ngam miröökö hòṅ meh lööṙen meūkö e. Mihôiṅ öm kūichngen ngam miröökö imat öp līpöre, ngaich hapanlen e öm in nup chūökre min lööṙen mat meūkö e. Rīkre yip ṙung mahapanten u nö imat tinmël, in nup frich. Rīkre inrē yip kamëngö nyat u, mi-imat kömpyūtör re tī tö u hēk vīten u inrē nö vôlpēpör mat fūnre.

• Vī kārt minë miröökö man. Hěng lā tī më-eṅ öm kūichtö ngam miröökö (minë-eny ngam līpöre, mirūlö e, miröökö e inrē). Im tahëng lā-a tī më-eṅ öm kūichtö ngam ṙô ngam miröökö. Ngëichköm minë-eny ngam miröökö më-eṅ ngaich kalahkenre öm haköplōnre tö e hēk haköplōnre inrē tö öp ṙô e. Kalah inrē öm haköplōnre töp kamngö chūök e nö imat ngam Paipöl.