LECCION 6

Claro si Porque Ya Usa con el Texto

Juan 10:33-36

SI COSA HACE: No lang basta le con el texto y despues discuti otro punto. Asigura que el quien ta oi contigo ta entende si cosa el coneccion del texto que ya le tu na punto que ta explica tu.

SI PAQUEMODO CON ESE HACE:

Menciona con el maga importante palabra. Despues le con el texto, hace claro con el maga palabra que ta suporta con el de tuyu punto. Puede tu este hace si repiti tu con ese maga palabra o si pregunta tu con el quien ta oi contigo para puede hace claro con el maga importante palabra.

Si otro maga palabra tu usa para menciona con el idea del texto, asigura que puede siempre mira aquellos quien ta oi contigo si paquemodo el Biblia ta suporta con el de tuyu punto.
Hace claro con el punto. Si ya introduci tu un texto, explica si paquemodo el maga importante palabra na texto ta suporta con el razon si porque tu ya le con ese.

Mientras ta discuti con el texto, deja abierto con el de tuyu Biblia. Puede se ayuda con el quien ta oi contigo para mira que el cosa tu ta discuti acerca siempre na texto que nuevo lang tu ya le.
Hace simple si paquemodo aplica con el texto. Evita discuti maga detalle que gendeh ta suporta con el de tuyu punto. Base na cosa sabe aquellos quien ta oi contigo, decidi si cuanto detalle el necesita para puede sila entende con el de tuyu punto.