Salmo
א [ʼAʹleph]
2 Malipayon ang mga nagasunod sa iyang mga pahinumdom;+
Sila nagpadayon pagpangita kaniya sa bug-os nga kasingkasing.+
7 Pagadayegon ko ikaw uban ang katul-id sa kasingkasing,+
Sa pagkakat-on ko sa imong matarong nga hudisyal nga mga hukom.+
ב [Behth]
9 Unsaon paghinlo sa usa ka batan-ong lalaki+ sa iyang alagianan?
Pinaagi sa pagpadayon sa pagbantay subay sa imong pulong.+
10 Ako nangita kanimo uban sa bug-os kong kasingkasing.+
Ayaw itugot nga ako mahisalaag gikan sa imong mga sugo.+
14 Nagsadya ako sa dalan sa imong mga pahinumdom,+
Nga sama gayod sa tanang ubang bililhong mga butang.+
ג [Giʹmel]
17 Buhata kon unsay nahiangay ngadto sa imong alagad, aron mabuhi ako+
Ug aron makatuman ako sa imong pulong.+
18 Bukha ang akong mga mata, aron makatan-aw ako+
Sa katingalahang mga butang gikan sa imong balaod.+
23 Nanglingkod bisan ang mga prinsipe; sila nagsultihanay batok kanako.+
Kon bahin sa imong alagad, siya nagpalandong sa imong mga regulasyon.+
24 Dugang pa, gikalipayan ko ang imong mga pahinumdom,+
Nga samag mga tawo nga akong mga magtatambag.+
ד [Daʹleth]
30 Ang dalan sa pagkamatinumanon akong napili.+
Ang imong hudisyal nga mga hukom giisip ko nga angay.+
ה [Heʼ]
33 Tudloi ako, Oh Jehova, sa dalan sa imong mga regulasyon,+
Aron makatuman ako niini hangtod sa kataposan.+
34 Pasabta ako, aron mabantayan ko ang imong balaod+
Ug makatuman ako niini sa bug-os nga kasingkasing.+
37 Ilikay ang akong mga mata gikan sa pagtan-aw sa butang nga walay-pulos;+
Tipigi akong buhi diha sa imong dalan.+
ו [Waw]
41 Ug hinaot modangat kanako ang imong mahigugmaong-kalulot, Oh Jehova,+
Ang imong pagluwas sumala sa imong pulong,+
42 Aron makatubag ako sa nagapakaulaw kanako pinaagi sa usa ka pulong,+
Kay ako nagsalig sa imong pulong.+
43 Ug ayaw kuhaa sa bug-os ang pulong sa kamatuoran gikan sa akong baba,+
Kay ako naghulat sa imong hudisyal nga hukom.+
44 Ug pagatumanon ko sa kanunay ang imong balaod,+
Hangtod sa panahong walay tino, bisan hangtod sa kahangtoran.+
48 Ug pagabayawon ko ang akong mga kamot sa imong kasugoan nga akong gihigugma,+
Ug palandongon ko ang imong mga regulasyon.+
ז [Zaʹyin]
52 Ako nahinumdom sa imong hudisyal nga mga hukom sukad sa panahong walay tino, Oh Jehova,+
Ug nakaplagan ko ang kahupayan alang sa akong kaugalingon.+
54 Ang imong mga regulasyon nahimong mga awit sa pagdayeg alang kanako+
Sa balay sa akong mga pagpuyo ingong langyaw.+
ח [Chehth]
59 Gipalandong ko ang akong mga dalan,+
Aron ikapabalik ko ang akong mga tiil sa imong mga pahinumdom.+
62 Sa tungang gabii mobangon ako aron sa pagpasalamat kanimo+
Tungod sa matarong nimong hudisyal nga mga hukom.+
ט [Tehth]
66 Tudloi ako sa pagkamaayo,+ pagkamay-salabotan+ ug kahibalo,+
Kay ako nagpasundayag ug pagtuo sa imong kasugoan.+
67 Sa wala pa ako mailalom sa kasakitan nakasala ako nga dili tinuyo,+
Apan karon nagatuman ako sa imong pulong.+
69 Ang mapangahason naghugaw kanako pinaagi sa kabakakan.+
Kon bahin kanako, pagabantayan ko ang imong mga sugo sa bug-os kong kasingkasing.+
70 Ang ilang kasingkasing dili na mobati sama sa tambok.+
Ako, sa akong bahin, nagakalipay sa imong balaod.+
72 Ang balaod+ sa imong baba maayo alang kanako,+
Labaw pa kay sa linibo ka pirasong bulawan ug plata.+
י [Yohdh]
73 Ang imong mga kamot nagbuhat kanako, ug sila lig-ong nagpahimutang kanako.+
Pasabta ako, aron makakat-on ako sa imong kasugoan.+
75 Ako nahibalo gayod, Oh Jehova, nga ang imong hudisyal nga mga hukom maoy pagkamatarong+
Ug nga sa pagkamatinumanon gisakit mo ako.+
76 Palihog, hupayon mo unta ako sa imong mahigugmaong-kalulot,+
Sumala sa imong pulong ngadto sa imong alagad.+
77 Ipadangat kanako ang imong mga kaluoy, aron ako makapadayong buhi;+
Kay ang imong balaod akong gikalipayan.+
78 Pakaulawi ang mga mapangahason, tungod kay gipahisalaag nila ako sa wala lamay hinungdan.+
Kon bahin kanako, palandongon ko ang imong mga sugo.+
80 Ang akong kasingkasing mahimo untang walay-ikasaway sa imong mga regulasyon,+
Aron dili ako maulawan.+
כ [Kaph]
82 Ang akong mga mata gikapoy sa pagpangandoy sa imong pulong,+
Samtang ako nagaingon: “Kanus-a mo ako hupayon?”+
84 Pipila na ba lamang ang mga adlaw sa imong alagad?+
Kanus-a ba nimo ipatuman ang paghukom batok niadtong mga nagalutos kanako?+
85 Ang mga mapangahason nagkalot ug mga gahong aron sa pagsikop kanako,+
Kadtong wala magasubay sa imong balaod.+
86 Ang tanan mong kasugoan maoy kasaligan.+
Sa wala lamay hinungdan sila naglutos kanako. Oh tabangi ako.+
88 Sumala sa imong mahigugmaong-kalulot tipigi akong buhi,+
Aron makatuman ako sa pahinumdom sa imong baba.+
ל [Laʹmedh]
90 Ang imong pagkamatinumanon maoy sa sunodsunod nga mga kaliwatan.+
Ikaw lig-ong nagpahimutang sa yuta, aron kini magpadayon.+
91 Sumala sa imong hudisyal nga mga hukom sila nagpadayon hangtod niining adlawa,+
Kay silang tanan maoy imong mga alagad.+
92 Kon ang imong balaod dili pa ang akong gikalipayan,+
Nan nahanaw na unta ako tungod sa akong kasakitan.+
93 Dili ko kalimtan ang imong mga sugo+ hangtod sa panahong walay tino,
Kay pinaagi kanila gitipigan mo ako nga buhi.+
95 Ang daotan naghulat kanako, aron sa paglaglag kanako.+
Ako nagpadayon pagtagad sa imong mga pahinumdom.+
מ [Mem]
98 Ang imong sugo naghimo kanako nga mas maalamon kay sa akong mga kaaway,+
Kay akoa kini hangtod sa panahong walay tino.+
99 Ako nakabaton ug hait nga salabotan nga labaw pa kay sa tanan kong mga magtutudlo,+
Kay maoy akong gipalandong ang imong mga pahinumdom.+
101 Gipugngan ko ang akong mga tiil gikan sa tanang daotan nga alagianan,+
Aron makatuman ako sa imong pulong.+
104 Tungod sa imong mga sugo nagagawi ako nga masinaboton.+
Mao nga gidumtan ko ang tanang bakak nga alagianan.+
נ [Nun]
106 Ako nakahimog gipanumpaang pahayag, ug pagatumanon ko kini,+
Aron sa pagtuman sa imong matarong nga hudisyal nga mga hukom.+
108 Kahimut-i intawon ang kinabubut-ong mga halad sa akong baba, Oh Jehova,+
Ug tudloi ako sa imong hudisyal nga mga hukom.+
111 Gidawat ko ang imong mga pahinumdom ingon nga katigayonan hangtod sa panahong walay tino,+
Kay sila mao ang kasadya sa akong kasingkasing.+
112 Gikiling ko ang akong kasingkasing sa pagbuhat sa imong mga regulasyon+
Hangtod sa panahong walay tino, hangtod sa kataposan.+
ס [Saʹmekh]
115 Pahilayo kanako, kamong mga mamumuhat ug daotan,+
Aron makatuman ako sa kasugoan sa akong Diyos.+
116 Sapnaya ako sumala sa imong pulong, aron ako magpadayong buhi,+
Ug ayaw ako pakaulawi tungod sa akong paglaom.+
118 Gisalikway mo kadtong tanan nga mitipas sa imong mga regulasyon;+
Kay ang ilang pagkamalinglahon maoy kabakakan.+
119 Ingon sa naglutawng yamukmok gihanaw mo ang tanang daotan sa yuta.+
Busa gihigugma ko ang imong mga pahinumdom.+
120 Ang akong unod nangurog gumikan sa kahadlok kanimo;+
Ug tungod sa imong hudisyal nga mga hukom nahadlok ako.+
ע [ʽAʹyin]
121 Gipatuman ko ang paghukom ug ang pagkamatarong.+
Oh ayaw ako itugyan ngadto sa mga nagapanikas kanako!+
122 Magsilbi ka nga usa ka garantiya sa imong alagad alang sa kaayohan.+
Dili unta ako tikasan sa mga mapangahason.+
123 Ang akong mga mata gikapoy sa pagpangandoy sa imong pagluwas+
Ug sa imong matarong nga mga pulong.+
124 Buhata sa imong alagad sumala sa imong mahigugmaong-kalulot,+
Ug tudloi ako sa imong mga regulasyon.+
128 Mao nga giisip ko nga matul-id ang tanang sugo mahitungod sa tanang butang;+
Gidumtan ko ang tanang bakak nga alagianan.+
פ [Peʼ]
130 Ang pagbutyag sa imong mga pulong magahatag ug kahayag,+
Nga nagapasabot sa mga walay kasinatian.+
132 Lingia ako ug kaluy-i ako,+
Sumala sa imong hudisyal nga mga hukom niadtong nahigugma sa imong ngalan.+
133 Ipahimutang nga lig-on ang akong mga lakang diha sa imong mga pulong,+
Ug wala untay butang nga makadaot nga magagahom kanako.+
136 Mga inagay sa tubig nanaligdig gikan sa akong mga mata+
Tungod kay sila wala magtuman sa imong balaod.+
צ [Tsa·dhehʹ]
139 Ang akong kasibot miut-ot kanako,+
Tungod kay ang akong mga kaaway nahikalimot sa imong mga pulong.+
142 Ang imong pagkamatarong maoy pagkamatarong hangtod sa panahong walay tino,+
Ug ang imong balaod maoy kamatuoran.+
144 Ang pagkamatarong sa imong mga pahinumdom maoy hangtod sa panahong walay tino.+
Pasabta ako, aron ako magpadayong buhi.+
ק [Qohph]
145 Misangpit ako uban sa bug-os kong kasingkasing.+ Tubaga ako, Oh Jehova.+
Pagabantayan ko ang imong mga regulasyon.+
147 Ako misayo ug bangon sa pagbanagbanag sa kabuntagon,+ aron motuaw ako alang sa tabang.+
Kay naghulat ako sa imong mga pulong.+
148 Nauna pa ang akong mga mata sa mga pagbantay sa gabii,+
Aron mapalandong ko ang imong mga pulong.+
149 Oh patalinghogi ang akong tingog sumala sa imong mahigugmaong-kalulot.+
Oh Jehova, tipigi akong buhi sumala sa imong hudisyal nga mga hukom.+
152 Kanhi ako nahibalo na sa pipila sa imong mga pahinumdom,+
Kay gitukod mo sila hangtod sa panahong walay tino.+
ר [Rehsh]
154 Oh dumalaha ang akong legal nga kaso ug tubosa ako;+
Tipigi akong buhi nga nahiuyon sa imong pulong.+
156 Daghan ang imong kaluoy, Oh Jehova.+
Oh tipigi akong buhi sumala sa imong hudisyal nga mga hukom.+
157 Daghan ang akong mga maglulutos ug ang akong mga kaaway.+
Wala ako motipas gikan sa imong mga pahinumdom.+
158 Akong nakita ang mga maluibon,+
Ug gibati ko ang dakong kasilag, tungod kay sila wala magtuman sa imong pulong.+
159 Oh tan-awa nga gihigugma ko ang imong mga sugo.+
Oh Jehova, tipigi akong buhi sumala sa imong mahigugmaong-kalulot.+
160 Ang diwa sa imong pulong maoy kamatuoran,+
Ug ang tanan nimong matarong nga hudisyal nga hukom maoy hangtod sa panahong walay tino.+
ש [Sin] o [Shin]
161 Ang mga prinsipe naglutos kanako sa wala lamay hinungdan,+
Apan ang akong kasingkasing nahadlok sa imong mga pulong.+
163 Gidumtan ko ang kabakakan,+ ug gikasilagan ko kini sa kanunay.+
Ang imong balaod akong gihigugma.+
164 Makapito sa usa ka adlaw ginadayeg ko ikaw+
Tungod sa imong matarong nga hudisyal nga mga hukom.+
165 Ang dagayang pakigdait iya niadtong nahigugma sa imong balaod,+
Ug alang kanila walay kapandolan.+
168 Ako nagbantay sa imong mga sugo ug sa imong mga pahinumdom,+
Kay ang tanan kong dalan anaa sa imong atubangan.+
ת [Taw]
169 Modangat unta sa imong atubangan ang akong mapangaliyupoong pagtuaw, Oh Jehova.+
Sumala sa imong pulong, Oh pasabta ako.+
170 Ang akong hangyo alang sa pabor moabot unta sa imong atubangan.+
Sumala sa imong pulong, Oh luwasa ako.+
171 Ipahayag unta sa akong mga ngabil ang pagdayeg,+
Kay ikaw nagtudlo kanako sa imong mga regulasyon.+