Salmo

81 Oh panghugyaw kamo sa kalipay, ngadto sa Diyos nga atong kusog;+

Singgit kamo sa kadaogan ngadto sa Diyos ni Jacob.+

 2 Ipatugbaw ang usa ka awit sa pagdayeg+ ug kuhaa ang tamborin,+

Ang mananoy nga alpa uban ang kinuldasang tulonggon.+

 3 Sa bag-ong bulan, huypa ninyo ang budyong;+

Sa takdol nga bulan, alang sa adlaw sa atong pista.+

 4 Kay usa kini ka regulasyon alang sa Israel,+

Usa ka hudisyal nga hukom sa Diyos ni Jacob.

 5 Iya kining gihatag kang Jose ingon nga usa ka pahinumdom,+

Sa dihang milatas siya sa yuta sa Ehipto.+

Usa ka pinulongan nga wala ko mahibaloi kanunay kong nadungog.+

 6 “Gilikay ko ang iyang abaga gikan sa palas-anon;+

Nahigawas ang iyang mga kamot gikan sa bukag.+

 7 Diha sa kasakitan mitawag ka, ug giluwas ko ikaw;+

Gitubag ko ikaw sa tago nga dapit sa dalugdog.+

Gisulayan ko ikaw didto sa katubigan sa Meriba.+ Seʹlah.

 8 Patalinghog, Oh katawhan ko, ug ako magpamatuod batok kanimo,+

Oh Israel, kon mamati ka kanako.+

 9 Sa imong taliwala dili ka magbaton ug estranyong diyos;+

Ug dili ka moyukbo sa usa ka langyawng diyos.+

10 Ako, si Jehova, mao ang imong Diyos,+

Ang Usa nga nagpagawas kanimo gikan sa yuta sa Ehipto.+

Bukha pag-ayo ang imong baba, ug pagapun-on ko kini.+

11 Apan ang akong katawhan wala mamati sa akong tingog;+

Ug ang Israel dili buot kanako.+

12 Busa gipasagdan ko sila sa pagkatig-a sa ilang kasingkasing;+

Sila nanglakaw sumala sa ilang kaugalingong mga tambag.+

13 Oh kon ang akong katawhan namati lamang kanako,+

Oh kon ang Israel naglakaw unta sumala sa akong mga dalan!+

14 Ang ilang mga kaaway sa madali buntogon ko,+

Ug ibakyaw ko ang akong kamot batok sa ilang mga kontra.+

15 Kon bahin niadtong nagadumot pag-ayo kang Jehova, mokupoy sila sa pagduol kaniya,+

Ug ang panahon nila maoy hangtod sa panahong walay tino.

16 Ug siya magapakaon kaniya sa tambok sa trigo,+

Ug pagatagbawon ko ikaw sa dugos+ nga gikan sa bato.”