Lamentaciones
א [ʼAʹleph]
3 Ako ang tawo nga lig-on ug lawas nga nakakitag kasakitan+ tungod sa olisi sa iyang mabangis nga kasuko.
2 Ako mao ang iyang gitultolan ug gipalakaw sa kangitngit ug dili sa kahayag.+
3 Sa pagkatinuod, batok kanako nga sublisubli niyang gipatumong ang iyang kamot sa tibuok adlaw.+
ב [Behth]
4 Iyang gipakuyos ang akong unod ug ang akong panit.+ Iyang gibali ang akong mga bukog.+
5 Siya nagtukod batok kanako, aron iya akong malikosan+ sa makahilo nga tanom+ ug sa kalisdanan.
6 Iya akong gipahiluna sa ngitngit nga mga dapit+ nga sama sa mga tawo nga dugay nang nangamatay.+
ג [Giʹmel]
7 Iya akong gialihan nga samag pinaagi sa usa ka paril nga bato, aron dili ako makagula.+ Gipabug-at niya ang akong mga talikala nga tumbaga.+
8 Dugang pa, sa akong pagsangpit ug sa pagtuaw alang sa tabang, iyang gibabagan ang akong pag-ampo.+
9 Gialihan niya sa sinapsapan nga bato ang akong mga dalan.+ Iyang gibaliko ang akong mga dalan.+
ד [Daʹleth]
10 Alang kanako siya sama sa usa ka oso nga nagbanhig,+ sama sa usa ka leyon sa mga tagoanang dapit.+
11 Iyang gigubot ang akong mga dalan, ug gihimo niya akong pinasagdan. Gihimo niya akong biniyaan.+
12 Iyang gitumban ang iyang busogan,+ ug iyang gipahimutang ako ingon nga ig-onon sa pana.+
ה [Heʼ]
13 Iyang gidala sa akong mga rinyon ang mga anak sa iyang udyongan.+
14 Ako nahimong kataw-anan+ sa tibuok katawhan nga batok kanako, ang tema sa ilang awit sa tibuok adlaw.+
15 Gitugob niya ako sa pait nga mga butang.+ Iya akong gibuhong sa ajenjo.+
ו [Waw]
16 Ug pinaagi sa graba iyang gidugmok ang akong mga ngipon.+ Iya akong gipakupoy diha sa mga abo.+
17 Ikaw nagsalikway usab mao nga walay kalinaw ang akong kalag. Ako nahikalimot na kon unsay maayo.+
18 Ug ako nagsigeg ingon: “Ang akong kahalangdon nahanaw, ug ang akong pagdahom kang Jehova.”+
ז [Zaʹyin]
19 Hinumdomi ang akong kasakitan ug ang akong pagkawalay-puloy-anan,+ ang ajenjo ug ang tanom nga makahilo.+
20 Sa walay pakyas ang imong kalag mahinumdom ug moyuko sa ibabaw nako.+
21 Mao kini ang akong hinumdoman sa akong kasingkasing.+ Mao nga ako magpakita ug mahulatong tinamdan.+
ח [Chehth]
22 Maoy mga buhat sa mahigugmaong-kalulot+ ni Jehova nga kita wala malaglag,+ tungod kay ang iyang mga kaluoy dili gayod matapos.+
23 Sila bag-o sa matag buntag.+ Ang imong pagkamatinumanon dagaya.+
24 “Si Jehova ang akong bahin,”+ miingon ang akong kalag, “mao nga ako magpakita ug mahulatong tinamdan kaniya.”+
ט [Tehth]
25 Maayo si Jehova alang sa usa nga naglaom kaniya,+ alang sa kalag nga nagpadayon sa pagpangita kaniya.+
26 Maayo nga ang usa ka tawo maghulat,+ nga mahilom gayod,+ alang sa kaluwasan ni Jehova.+
27 Maayo alang sa tawo nga lig-on ug lawas nga siya magpas-an sa yugo panahon sa iyang pagkabatan-on.+
י [Yohdh]
28 Palingkora siya nga mag-inusara ug pahiloma,+ tungod kay siya may gipapas-an kaniya.+
29 Ipabutang niya ang iyang baba diha sa abog.+ Tingali aduna pay paglaom.+
30 Ipatahan kaniya ang iyang aping ngadto sa usa nga nagdapat kaniya.+ Ipapuno siya sa pakaulaw.+
כ [Kaph]
31 Kay dili hangtod sa panahong walay tino nga si Jehova magsalikway.+
32 Kay bisan tuod siya nagpaguol,+ siya magpakita usab gayod ug kaluoy sumala sa kadagaya sa iyang mahigugmaong-kalulot.+
33 Kay dili gikan sa iyang kaugalingong kasingkasing nga siya nagsakit o nagpaguol sa mga anak sa mga tawo.+
ל [Laʹmedh]
34 Sa pagdugmok ilalom sa mga tiil+ sa tanang binilanggo sa yuta,+
35 Sa pagsalikway sa paghukom sa tawo nga lig-on ug lawas sa atubangan sa Labing Hataas,+
36 Sa paghimo nga hiwi sa usa ka tawo diha sa iyang legal nga kaso, si Jehova walay pag-uyon.+
מ [Mem]
37 Karon kinsa ang nag-ingon nga ang usa ka butang mahitabo sa dihang si Jehova wala magsugo?+
38 Gikan sa baba sa Labing Hataas dili mogula ang daotang mga butang ug ang maayo.+
39 Unsaon man pagreklamo sa usa ka tawong buhi,+ sa usa ka tawo nga lig-on ug lawas tungod sa iyang sala?+
נ [Nun]
40 Atong susihon ang atong mga dalan ug suhiron kini,+ ug mamalik kita ngadto kang Jehova.+
41 Bayawon ta ang atong kasingkasing uban sa atong mga kamot ngadto sa Diyos sa kalangitan:+
42 “Kami nakalapas, ug kami nagmasuklanon.+ Wala ka magpasaylo.+
ס [Saʹmekh]
43 Gialihan mo sa kasuko ang pagduol kanimo,+ ug nagpadayon ka paggukod kanamo.+ Nagapamatay ka; wala ka maluoy.+
44 Gialihan mo ang pagduol kanimo pinaagi sa bagang panganod,+ aron ang pag-ampo dili makalahos.+
45 Gihimo mo kami nga mga kinahig nga hugaw ug basura na lamang taliwala sa mga katawhan.”+
פ [Peʼ]
46 Ang tanan namong mga kaaway nagbuka sa ilang baba batok kanamo.+
47 Ang kakuyaw ug ang gahong midangat kanamo,+ ang pagkabiniyaan ug ang pagkahugno.+
48 Ang akong mata nagpaagay ug mga sapa sa tubig tungod sa pagkahugno sa anak nga babaye sa akong katawhan.+
ע [ʽAʹyin]
49 Ang akong mata nagpaagay ug dili moundang, mao nga walay mga paghunong,+
50 Hangtod nga si Jehova modungaw ug motan-aw gikan sa langit.+
51 Ang akong mata nagsakit sa akong kalag,+ tungod sa tanang anak nga babaye sa akong siyudad.+
צ [Tsa·dhehʹ]
52 Ang akong mga kaaway nangita gayod kanako sama sa usa ka langgam,+ sa walay hinungdan.+
53 Sila nagpahilom sa akong kinabuhi sulod sa gahong,+ ug sila nagpadayon pagbato kanako.
54 Ang mga tubig mibuhagay ibabaw sa akong ulo.+ Ako miingon: “Mamatay na gayod ako!”+
ק [Qohph]
55 Gitawag ko ang imong ngalan, Oh Jehova, gikan sa kinahiladman nga gahong.+
56 Paminawa ang akong tingog.+ Ayaw itago ang imong igdulungog gikan sa paghupay kanako, sa akong pagtuaw alang sa tabang.+
57 Miduol ka sa adlaw nga ako nagpadayon sa pagtawag kanimo.+ Ikaw miingon: “Ayaw kahadlok.”+
ר [Rehsh]
58 Gilabanan mo, Oh Jehova, ang mga pagpakigsangka sa akong kalag.+ Gilukat mo ang akong kinabuhi.+
59 Nakita mo, Oh Jehova, ang sayop nga gihimo kanako.+ Oh buhata ang paghukom alang kanako.+
60 Nakita mo ang tanan nilang panimalos, ang tanan nilang mga laraw batok kanako.+
ש [Sin] o [Shin]
61 Nadungog mo ang ilang pakaulaw, Oh Jehova, ang tanan nilang mga laraw batok kanako,+
62 Ang mga ngabil niadtong nanindog batok kanako+ ug ang ilang mga hunghong batok kanako sa tibuok adlaw.+
63 Tan-awa ang ilang paglingkod ug ang ilang pagtindog.+ Ako mao ang ulohan sa ilang awit.+
ת [Taw]
64 Balosan mo sila, Oh Jehova, sumala sa buhat sa ilang mga kamot.+
65 Ihatag mo kanila ang pagkamapalabilabihon sa kasingkasing,+ ang imong tunglo kanila.+
66 Gukdon mo sila sa kasuko ug laglagon mo sila+ gikan sa ilalom sa kalangitan ni Jehova.+