10 kay ikaw mamati sa tingog ni Jehova nga imong Diyos sa pagtuman sa iyang kasugoan ug sa iyang mga lagda nga nahisulat niining basahon sa balaod,+ tungod kay ikaw mobalik kang Jehova nga imong Diyos sa bug-os mong kasingkasing ug sa bug-os mong kalag.+

3 Ug si Samuel miingon sa tibuok balay sa Israel: “Kon kamo mobalik kang Jehova uban sa bug-os ninyong kasingkasing,+ isalikway ninyo ang langyaw nga mga diyos sa inyong taliwala+ ug usab ang mga larawan ni Astoret,+ ug itumong ninyo nga walay pagtipas ang inyong kasingkasing ngadto kang Jehova ug mag-alagad kaniya lamang,+ ug siya magaluwas kaninyo gikan sa kamot sa mga Filistehanon.”+

4 “Kon ikaw mobalik, Oh Israel,” mao ang giingon ni Jehova, “ikaw mahimong mobalik mismo kanako.+ Ug kon imong kuhaon ang imong dulumtanang mga butang tungod kanako,+ nan dili ka molakaw ingong kagiw.

13 Ug gisia ang inyong kasingkasing,+ ug dili ang inyong mga besti;+ ug balik kang Jehova nga inyong Diyos, kay siya mapuangoron ug maluluy-on,+ mahinay sa kasuko+ ug dagaya sa mahigugmaong-kalulot,+ ug siya magbasol gayod tungod sa katalagman.+

7 Sukad sa mga adlaw sa inyong mga katigulangan kamo mitipas gikan sa akong mga regulasyon ug wala magtuman kanila.+ Balik kanako, ug ako mobalik kaninyo,”+ miingon si Jehova sa mga panon.

Ug kamo miingon: “Sa unsang paagi kami mobalik?”