15 “‘Dili kamo magbuhat ug inhustisya sa paghukom. Dili ka magpihigpihig sa timawa,+ ug dili mo palabihon ang dakong tawo.+ Kinahanglan nga imong hukman ang imong isigkatawo uban ang hustisya.

18 “Magbutang ka ug mga maghuhukom+ ug mga opisyal+ sulod sa tanan mong mga ganghaan nga ihatag kanimo ni Jehova nga imong Diyos sumala sa imong tribo, ug sila magahukom sa katawhan sa matarong nga paghukom.

17 Pagtuon sa pagbuhat ug maayo;+ pangitaa ang hustisya;+ tul-ira ang malupigon;+ pagpahamtang ug hustisya alang sa bata nga ilo-sa-amahan;+ labani ang kawsa sa babayeng balo.”+

12 Oh balay ni David,+ mao kini ang giingon ni Jehova: “Matag buntag+ ipahamtang ang sentensiya uban ang hustisya,+ ug luwasa ang giagawan gikan sa kamot sa tikasan,+ aron ang akong kaaligutgot dili mogula ingon sa kalayo+ ug sa pagkatinuod modilaab ug walay makapalong niini tungod sa kadaotan sa inyong mga pakiglabot.”’+

7 Ang amahan ug inahan ilang gitamay diha kanimo.+ Sila nanikas sa langyaw nga pumoluyo sa imong taliwala.+ Ang bata nga ilo-sa-amahan ug ang babayeng balo ilang gidaogdaog diha kanimo.”’”+

29 Ang katawhan sa yuta naghimo sa ilang laraw sa pagpanikas+ ug nanakmit pinaagi sa pagpanulis,+ ug ang sinakit ug ang kabos ilang gidaogdaog,+ ug ang langyaw nga pumoluyo ilang gitikasan sa kawalay-hustisya.’+

2 Ug gitinguha nila ang kaumahan ug gisakmit kini;+ ang mga balay usab, ug giagaw kini; ug gitikasan nila ang usa ka tawo nga lig-on ug lawas ug ang iyang panimalay,+ ang usa ka tawo ug ang iyang panulondon.+

9 “Mao kini ang giingon ni Jehova sa mga panon, ‘Himoa ang inyong paghukom uban sa matuod nga hustisya;+ ug ipakita sa usag usa ang mahigugmaong-kalulot+ ug mga kaluoy;+