4 Busa akong tugotan nga mogahi ang kasingkasing ni Paraon,+ ug siya tinong mogukod kanila ug ako makabaton ug himaya alang sa akong kaugalingon pinaagi kang Paraon ug sa tanan niyang kasundalohan;+ ug ang mga Ehiptohanon makaila gayod nga ako mao si Jehova.”+ Tuod man kana ang ilang gibuhat.

20 Ug karon, Oh Jehova nga among Diyos,+ luwasa kami gikan sa iyang kamot,+ aron ang tanang gingharian sa yuta mahibalo nga ikaw, Oh Jehova, mao lamang [ang Diyos].”+

23 ‘Ug balaanon ko ang akong dakong ngalan,+ nga gipasipalahan sa taliwala sa kanasoran, nga inyong gipasipalahan taliwala kanila; ug ang kanasoran makaila gayod nga ako mao si Jehova,’+ mao ang giingon sa Soberanong Ginoong Jehova, ‘sa diha nga ako pagabalaanon sa inyong taliwala atubangan sa ilang mga mata.+

16 Ug ikaw motungas gayod batok sa akong katawhang Israel, sama sa mga panganod nga motabon sa yuta.+ Kini mahitabo sa kaulahiang bahin sa mga adlaw, ug dad-on ko gayod ikaw batok sa akong yuta,+ aron nga ang kanasoran makaila kanako sa dihang balaanon ko ang akong kaugalingon pinaagi kanimo atubangan sa ilang mga mata, Oh Gog.”’+

11 “Kay sukad sa pagsubang sa adlaw bisan ngadto sa pagsalop niini ang akong ngalan mahimong dako taliwala sa kanasoran,+ ug sa matag dapit pagahimoon ang gipaaso nga halad,+ pagahimoon ang paghalad alang sa akong ngalan, ang usa ka hinlo nga gasa;+ tungod kay ang akong ngalan mahimong dako taliwala sa kanasoran,”+ miingon si Jehova sa mga panon.