6 Kay adunay usa ka bata nga natawo alang kanato,+ adunay usa ka anak nga lalaki nga gihatag kanato;+ ug ang prinsipenhong pagmando mahipatong sa iyang abaga.+ Ug ang iyang ngalan pagatawgon nga Kahibulongang Magtatambag,+ Diyos nga Gamhanan,+ Amahang Walay Kataposan,+ Prinsipe sa Pakigdait.+

10 Ug mahitabo nianang adlawa+ nga aduna unyay gamot ni Jese+ nga mobarog ingon nga usa ka timaan alang sa mga katawhan.+ Nganha kaniya bisan ang kanasoran moliso nga mapakisayoron,+ ug ang iyang dapit-pahulayan mahimong mahimayaon.+

15 siya usab makapakugang sa daghang kanasoran.+ Tungod kaniya ang mga hari magtak-om sa ilang baba,+ tungod kay ilang makita mismo ang wala ikasugilon kanila, ug sila magaliso sa ilang pagtagad ngadto sa wala nila madunggi.+

5 “Tan-awa! Ang mga adlaw moabot,” mao ang giingon ni Jehova, “ug ako magpatindog alang kang David ug usa ka matarong nga turok.+ Ug usa ka hari magamando+ ug molihok uban ang pagkamaalamon ug magpahamtang ug hustisya ug pagkamatarong diha sa yuta.+

2 “Ug ikaw, Oh Betlehem Eprata,+ nga gamay kaayo aron mahiapil taliwala sa linibo sa Juda,+ gikan kanimo+ mogula alang kanako ang usa nga mahimong magmamando sa Israel,+ kansang kagikan maoy gikan pa sa unang kapanahonan, gikan sa mga adlaw sa panahong walay tino.+

7 “Oh espada, pagmata batok sa akong magbalantay,+ bisan batok sa tawo nga lig-on ug lawas nga akong kauban,”+ mao ang giingon ni Jehova sa mga panon. “Hampaka ang magbalantay,+ ug patibulaaga ang panon;+ ug ibalik ko gayod ang akong kamot ngadto sa mga gagmay.”+

3 “Tan-awa! Ipadala ko ang akong mensahero,+ ug siya maghawan sa dalan sa akong atubangan.+ Ug sa hinanali moabot sa Iyang templo+ ang matuod nga Ginoo,+ nga inyong gipangita, ug ang mensahero+ sa pakigsaad+ nga inyong gikahimut-an.+ Tan-awa! Siya moabot gayod,” miingon si Jehova sa mga panon.+

44 Siya karon miingon kanila: “Kini mao ang akong mga pulong nga gisulti ko kaninyo samtang uban pa ako kaninyo,+ nga ang tanang butang nga nahisulat diha sa balaod ni Moises ug sa mga Manalagna+ ug sa mga Salmo+ bahin kanako kinahanglang matuman.”