10 “Paghimo mog kaban nga kahoyng akasya, nga duhag tunga ka maniko* ang gitas-on, usag tunga ka maniko ang gilapdon, ug usag tunga ka maniko ang gihabogon.+ 11 Haklapig purong bulawan+ ang sulod ug gawas niini, ug himoig ribete* nga bulawan ang palibot niini.+ 12 Unya paghulmag upat ka argolya* nga bulawan ug ibutang kini ibabaw sa upat ka tiil niini, duha ka argolya sa isigkakilid. 13 Ug paghimog mga yayongan nga kahoyng akasya ug haklapi kinig bulawan.+ 14 Ipasulod sa mga argolya ang mga yayongan sa isigkakilid sa Kaban aron dunay kagunitan inigdala sa Kaban. 15 Ang mga yayongan magpabilin sa mga argolya sa Kaban; dili kini tangtangon.+