14 Karon, ang usa sa mga sulugoon miingon kang Abigail nga asawa ni Nabal: “Si David nagpadalag mga tawo gikan sa kamingawan aron manghinaot ug kaayohan sa atong agalon, apan iyang giinsulto sila.+ 15 Maayo kaayo kanamo kadtong mga tawhana. Wala mi nila unsaa, ug wala mi mawad-ig bisan unsa samtang kauban namo sila didto sa kapatagan.+ 16 Sama silag paril nga nanalipod kanamo adlaw ug gabii sa tanang panahon nga kauban namo sila dihang nagbantay mi sa kahayopan.