11 Unya si Asa mitawag kang Jehova nga iyang Diyos+ ug miingon: “Oh Jehova, dili nimo igsapayan kon ang imong tabangan daghan ba o huyang.+ Tabangi mi, Oh Jehova nga among Diyos, kay kami nagasalig* kanimo,+ ug sa imong ngalan kami mianhi batok niini nga katawhan.+ Oh Jehova, ikaw ang among Diyos. Ayawg tugoti nga ang tawo modaog batok kanimo.”+

5 Unya si Jehosapat mitindog atubangan sa kongregasyon sa Juda ug Jerusalem diha sa balay ni Jehova atubangan sa bag-ong hawanan, 6 ug siya miingon:

“Oh Jehova nga Diyos sa among mga katigulangan, dili ba ikaw ang Diyos nga anaa sa kalangitan;+ dili ba kontrolado nimo ang tanang gingharian sa kanasoran?+ Anaa sa imong kamot ang gahom ug kusog, ug walay makabarog batok kanimo.+