• Salmo 15:1-5
    Bag-ong Kalibotang Hubad sa Balaang Kasulatan

    • 15 Oh Jehova, kinsa man ang mahimong dinapit sa imong tolda?

      Kinsa man ang makapuyo sa imong balaang bukid?+

       2 Ang usa nga nagkinabuhi nga walay ikasaway,*+

      Nagabuhat kon unsay matarong+

      Ug nagasulti sa kamatuoran diha sa iyang kasingkasing.+

       3 Wala siya magbutangbutang pinaagi sa iyang dila,+

      Wala siya maghimog daotan sa iyang isigkatawo,+

      Ug wala siya mangdaot* sa iyang mga higala.+

       4 Siya nagasalikway kang bisan kinsa nga talamayon,+

      Apan siya nagapasidungog niadtong nahadlok kang Jehova.

      Siya nagatuman sa iyang saad,* bisan pag kini makadaot kaniya.+

       5 Siya wala magapahulam sa iyang salapi nga may tubo,+

      Ug siya wala magadawat ug hiphip batok sa mga inosente.+

      Bisan kinsa nga nagabuhat niining mga butanga dili gyod matarog.*+

  • Salmo 84:1-4
    Bag-ong Kalibotang Hubad sa Balaang Kasulatan

    • 84 Pagkatahom sa* imong dakong tabernakulo,+

      Oh Jehova sa mga panon!

       2 Ako gihidlaw pag-ayo,

      Oo, naluya ko sa pagpangandoy,

      Sa mga hawanan ni Jehova.+

      Ang akong kasingkasing ug unod nagsinggit sa kalipay sa buhing Diyos.

       3 Bisan ang langgam nakakaplag ug puy-anan didto

      Ug ang gitgit naghimog salag didto,

      Diin ginaatiman niya ang iyang kuyabog

      Duol sa imong dakong halaran, Oh Jehova sa mga panon,

      Akong Hari ug akong Diyos!

       4 Malipayon kadtong mga nagpuyo sa imong balay!+

      Nagpadayon sila sa pagdayeg kanimo.+ (Selah)