20 Dihadiha gibuhat ni Moises ug Aaron ang gisugo ni Jehova. Giisa niya ang sungkod ug gibunal kini sa tubig sa Suba sa Nilo atubangan sa Paraon ug sa iyang mga alagad, ug ang tanang tubig sa suba nahimong dugo.+

6 Busa giisa ni Aaron ang iyang sungkod ibabaw sa katubigan sa Ehipto, ug ang mga baki nanggawas ug milukop sa Ehipto.

17 Ug ila kining gibuhat. Giisa ni Aaron ang iyang sungkod ug gihampak ang abog sa yuta, ug ang mga tagnok mihugpa sa tawo ug sa mananap. Ang tanang abog sa yuta nahimong mga tagnok sa tibuok Ehipto.+

6 Ug gihimo kini ni Jehova pagkaugma, ug nangamatay ang tanang matang sa hayop sa Ehipto.+ Apan walay bisan usa sa mga hayop sa Israel ang namatay.

10 Busa nanguha silag anuos sa tapahan ug miatubang sa Paraon. Dayon gisabwag kini ni Moises sa hangin, ug nahimo kining grabeng mga hubag diha sa tawo ug hayop.

23 Busa giisa ni Moises ang iyang sungkod sa langit, ug si Jehova nagpadalugdog ug nagpaulan ug yelo, ug may kalayo* nga mikilab sa yuta, ug si Jehova padayong nagpaulan ug yelo sa Ehipto.

12 Karon si Jehova miingon kang Moises: “Iisa ang imong kamot ibabaw sa yuta sa Ehipto aron manungha sa Ehipto ang mga dulon ug kaonon nila ang tanang tanom sa yuta, ang tanan nga wala madaot sa ulan nga yelo.”

21 Unya si Jehova miingon kang Moises: “Iisa ang imong kamot sa langit aron mahitabo ang grabeng kangitngit sa tibuok Ehipto.”