• Salmo 70:1-5
    Bag-ong Kalibotang Hubad sa Balaang Kasulatan

    • 70 Oh Diyos, luwasa ko;

      Oh Jehova, tabangi dayon ko.+

       2 Hinaot nga maulawan

      Kadtong mga nagtinguha sa pagpatay kanako.

      Hinaot nga mangatras sa kaulaw

      Kadtong nalipay sa akong katalagman.

       3 Hinaot kadtong mga nagaingon: “Aha! Aha!”

      Mamalik tungod sa kaulaw.

       4 Apan hinaot kadtong nagapangita kanimo

      Magsadya ug maglipay diha kanimo.+

      Hinaot kadtong nangandoy sa imong mga buhat sa pagluwas kanunayng moingon:

      “Hinaot mahimaya ang Diyos!”

       5 Apan kabos ko ug walay mahimo;+

      Oh Diyos, lihok dayon alang kanako.+

      Ikaw ang akong magtatabang ug manluluwas;+

      Oh Jehova, ayaw paglangan.+