Watchtower ONLINE NGA LIBRARYA

Salmo 49:6, 7

Bag-ong Kalibotang Hubad sa Balaang Kasulatan
- 6 Kadtong mga nagasalig sa ilang kabtangan+
  Ug nagapanghambog sa ilang daghang bahandi,+
  
  7 Wala gayoy usa kanila ang makatubos ug usa ka igsoon
  O makahatag sa Diyos ug lukat alang kaniya,+

Proverbio 11:4

Bag-ong Kalibotang Hubad sa Balaang Kasulatan
- 4 Ang bahandi* way pulos sa adlaw sa kasuko,+
  Apan ang pagkamatarong maoy makaluwas gikan sa kamatayon.+

Jeremias 9:23

Bag-ong Kalibotang Hubad sa Balaang Kasulatan
- 23 Kini ang giingon ni Jehova:
  
  “Dili angayng manghambog ang maalamong tawo sa iyang kaalam;+
  Dili angayng manghambog ang gamhanang tawo sa iyang pagkagamhanan;
  Ug dili angayng manghambog ang datong tawo sa iyang bahandi.”+

Lucas 12:19-21

Bag-ong Kalibotang Hubad sa Balaang Kasulatan
- 19 Ug moingon ko sa akong kaugalingon: “Daghan na kag maayong butang nga natigom para sa daghang katuigan. Pahayahay, kaon, inom, ug paglipaylipay.”’ 20 Apan giingnan siya sa Diyos, ‘Ikaw nga dili makataronganon, karong gabii ila kang patyon.* Nan, kinsay manag-iya sa mga butang nga imong gitigom?’+ 21 Ingon usab niana ang tawo nga nagtigom ug bahandi para sa iyang kaugalingon apan dili dato ngadto sa Diyos.”+