12 “‘Tumana ang adlawng Igpapahulay ug hupti kining sagrado, sumala sa gisugo ni Jehova nga imong Diyos.+ 13 Buhata ang tanan nimong buluhaton sulod sa unom ka adlaw,+ 14 apan ang ikapitong adlaw maoy igpapahulay para kang Jehova nga imong Diyos.+ Ayaw pagbuhat ug bisan unsang buluhaton+—ikaw, ang imong mga anak nga lalaki o babaye, imong mga ulipong lalaki o babaye, imong baka, imong asno o ubang binuhing hayop, ug ang mga langyaw nga nagpuyo sa inyong mga siyudad*+⁠—​aron ang imong mga ulipong lalaki o babaye makapahulay parehas nimo.+