18 Apan ngadto sa hari sa Juda nga nagpadala kaninyo aron magpakisayod kang Jehova, isulti kini kaniya, “Kini ang giingon ni Jehova nga Diyos sa Israel: ‘Bahin sa mga pulong nga imong nadunggan, 19 kay madinawaton* kag kasingkasing ug nagpaubos ka sa imong kaugalingon+ atubangan ni Jehova pagkadungog nimo sa akong gisulti batok niining dapita ug sa mga molupyo niini​—⁠nga tunglohon sila ug ang katawhan mangahadlok tungod kanila⁠—​ug gigisi nimo ang imong besti+ ug mihilak ka sa akong atubangan, gipaminawan ka nako, miingon si Jehova.