14 Nianang panahona si Herodes, nga magmamando sa distrito,* nakabalita bahin kang Jesus+ 2 ug miingon sa iyang mga alagad: “Siya si Juan nga Tigbawtismo. Siya gibanhaw, mao nga siya makahimog mga milagro.”+ 3 Si Herodes* mao ang nagpadakop kang Juan ug nagpagapos ug nagpabilanggo kaniya tungod kang Herodias, ang asawa ni Felipe nga iyang igsoon.+ 4 Kay kadaghan siya sultihi ni Juan: “Supak sa balaod ang imong pagpangasawa kaniya.”+ 5 Apan bisag gusto niyang patyon si Juan, nahadlok siya sa mga tawo kay ilang giisip siya nga propeta.+

7 Dihang si Herodes* nga magmamando sa distrito* nakabalita sa tanang hitabo, naglibog siya pag-ayo kay ang pipila miingon nga si Juan nabanhaw,+ 8 may miingon sab nga si Elias nagpakita, ug ang uban miingon nga nabanhaw ang usa sa karaang mga propeta.+ 9 Si Herodes miingon: “Gipapunggotan na nakog ulo si Juan.+ Kinsa kaha ning tawhana nga daghan man kog nadunggan bahin niya?” Busa gusto niyang makita kining tawhana.+