3 Si Herodes* mao ang nagpadakop kang Juan ug nagpagapos ug nagpabilanggo kaniya tungod kang Herodias, ang asawa ni Felipe nga iyang igsoon.+ 4 Kay kadaghan siya sultihi ni Juan: “Supak sa balaod ang imong pagpangasawa kaniya.”+ 5 Apan bisag gusto niyang patyon si Juan, nahadlok siya sa mga tawo kay ilang giisip siya nga propeta.+

17 Si Herodes mismo ang nagpadakop kang Juan ug nagpagapos kaniya sa bilanggoan tungod kang Herodias, nga gipangasawa niya bisag asawa kini sa iyang igsoong si Felipe.+ 18 Kay kadaghan sultihi ni Juan si Herodes: “Supak sa balaod ang imong pagpangasawa sa asawa sa imong igsoon.”+ 19 Mao nga si Herodias nagdumot kang Juan ug nagtinguha sa pagpatay kaniya, apan wala niya kana mahimo. 20 Si Herodes may kahadlok kang Juan kay nahibalo siya nga si Juan matarong ug balaan nga tawo,+ mao nga iya kining gipanalipdan. Dihang sultihan siya ni Juan, maglibog siya kon unsay buhaton, apan gusto gihapon niyang maminaw kaniya.