13 Sama sa paggawi sa mga tawo kon adlaw, mogawi kita nga desente,+ nga likayan ang banha ug way pugong nga paglipaylipay* ug paghuboghubog, ang imoral nga pagpakigsekso ug walay kaulaw nga paggawi,*+ ang panag-away ug kasina.+

11 Apan karon misulat ko kaninyo nga mohunong na sa pagpakig-uban+ kang bisan kinsa nga gitawag ug igsoon nga nagahimog seksuwal nga imoralidad* o tawong hakog+ o tigsimbag idolo o tigsultig pasipala o palahubog+ o mangingilkil,+ ug dili gani mokaon uban sa ingon niana nga tawo.

19 Ang mga buhat sa unod daling mailhan, ug kini mao ang seksuwal nga imoralidad,*+ kahugawan, walay kaulaw nga paggawi,*+

21 kasina, paghuboghubog,+ banha ug way pugong nga paglipaylipay,* ug mga butang nga sama niini.+ Pasidan-an mo nako bahin niining mga butanga, sama sa ako nang gipasidaan kaninyo, nga kadtong nagabuhat niini dili makapanunod sa Gingharian sa Diyos.+

17 Busa sa ngalan sa Ginoo, sultihan mo nako nga dili na magkinabuhi sama sa mga tawo sa kanasoran,+ diha sa pagkawalay-pulos sa ilang kaisipan.+ 18 Ang ilang kaisipan naa sa kangitngit ug sila nahimulag sa kinabuhi nga naggikan sa Diyos, tungod kay sila walay kahibalo ug ang ilang kasingkasing nakubalan.* 19 Kay dili na makaila kon unsay maayo ug daotan, sila nagpatuyang sa walay kaulaw nga paggawi,*+ nga nagbuhat sa tanang matang sa kahugawan uban ang kahakog.