Panagana sa Bitamina sa Kabataan

● Adunay daghang mga porma, gidak-on ug mga kolor ang mga bitamina alang sa mga bata. Apan kining mga produktoha dugang nga giusisa sa Tinipong Bansa. Kapin sa 130,000 ka bata ubos sa panuigong singko anyos gitahong gipatambalan sa mga lawak sa emerhensiya sa miaging tuig tungod kay nakakaon ug mga bitamina nga samag karmelitos, ug 14 porsiento kanila kinahanglang ipaospital. Gipasiugda sa magsusulat sa pamantalaan si Joe Graedon ang panginahanglan sa mga ginikanan sa pagtago niining mga bitaminaha nga dili maabot sa mga bata, nga midugang: “Dili makadaot ang pagsugod sa pagtudlo sa mga bata nga dili mga karmelitos ang mga bitamina.”