‘Nagkabungkag ang Kalibotan’

“Ang nangibabawng impresyon,” misutat ang internasyonal nga tig-analisar sa balita si Gwynne Dyer mahitungod sa bag-ong mga hitabo nga gibalita, “mao nga ang kalibotan nagakabungkag.” Dili ba kaha gituis sa mga ulohan sa balita ang mga kamatuoran? Dili niining bahina, miingon si Dyer. “Tinuod nga misamot nagkagrabe ang mga butang.” Misulat sa pamantalaang, New Nigerian, si Dyer miingon: “Sa nangaging katuigan ang hulongihong sa gubat sa naugmad nga kanasoran, ug ang aktuwal nga gubat ug sibil nga kapintasan sa ubang dapit, nagalandong sa malisod nga problema sa kalibotan nga sa normal nagkinahanglan ug pagtagad”—sama sa pag-us-os sa ekonomiya ug sa mga problema sa utang sa kalibotan. Ug bisan pa niana “ang labing dako ug labing makalilisang nga mga gubat,” miingon si Dyer, “gihatagan lamag gamayng pagtagad, tungod kay dugay nang gisangka kini.”

Dili kini makapatingala sa matinuorong mga estudyante sa Bibliya, kinsa gipahibalo sa pagpaabot sa “mga gubat ug mga taho bahin sa mga gubat” ingong ilhanan sa ‘konklusyon niining sistema sa mga butang.’ (Mateo 24:3, 6, 7) Apan gisugo ni Jesus ang iyang mga tinun-an nga dili angay nga malisang niining nagakagrabe nga kahimtang sa kalibotan, sa pag-ingon: “Bumarog nga malig-on ug ihangad ang inyong mga ulo tungod kay haduol na ang inyong kaluwasan.”—Lucas 21:28, The New English Bible.