Usa ka Bag-ong Ensiklopedia sa Bibliya

Daghan ang nagsulat nga nagapahayag sa ilang pasalamat tungod sa bag-ong ensiklopedia sa Bibliya nga ilang nadawat. “Talagsaon gayod nga tabang sa panukiduki ang duha ka bag-ong tomo sa Insight on the Scriptures!” mipahayag nga masiboton ang usa ka magsusulat nga taga-Wisconsin, U.S.A. “Kini kahibulongan gayod nga gasa, nga sa walay kataposan akong mahalon ug paningkamotang bug-os nga gamiton,” nagsulat ang usa ka babaye nga taga-Jamaica, West Indies.

Ang duha ka tomo sa Insight on the Scriptures naundan ug 2,560 ka panid diha sa tin-aw, mabasa nga tipo. Ang linibong artikulo gihikay sumala sa alpabeto ug malukopon kaayo. Naghisgot kini sa katawhan, mga lugar, mga tanom ug kinabuhi sa mga hayop, inilang mga panghitabo, masambingayong mga pamulong sa Bibliya, ug ang rekord sa mga pakiglabot sa Diyos sa katawhan.

Ang kalim-ag-tulo ka ulohan gihan-ay ingong espesyal nga mga ulohan uban ang tanang kolor. Daghan niini nagaapil sa mga mapa ug mga letrato sa mga dapit ug mga displey sa musiyo, ingon man sa ubang dibuho nga gilaraw sa pagtabang kanimo sa paghanduraw sa mga asoy sa Bibliya. Ang bililhong pasiunang kasayoran ug katin-awan gihatag bahin sa abot ug 3,500 ka teksto sa Bibliya. Giapil ang ulohan, kasulatan, ug mga indese sa nahimutangan sa mapa.

Dawata kining bililhon, duha-ka-tomong ensiklopedia pinaagi sa pagbuson sa nagaubang kupon uban ang ₱200.

Palihog ipadala, binayran na ang prangkiyo, ang duha-ka-tomong ensiklopedia sa Bibliya nga Insight on the Scriptures. Gisukip ko ang ₱200. (Gawas sa Pilipinas, pagsulat sa lokal nga sangang buhatan sa Watch Tower alang sa impormasyon.)