Panid Dos

Niadtong Hunyo 1988 ang Iglesya Romana Katolika nakaagi sa iyang unang pagbulag o pagkabahinbahin, kapin sa usa ka siglo. Ang tradisyonalistang arsobispo si Lefebvre giekskomunikar. Usa ka tuig human nga nabahin, ang rebeldeng prelado nangangkon ug 10- ngadto sa 20-porisento nga pag-uswag sa gidaghanon sa iyang mga sumusunod.

Kasamtangan, ang ginatos sa Katolikong mga teologo mipirmag deklarasyon nga nagaprotesta nianang ilang giisip nga pag-abuso sa papa sa gahom sa pagtudlo ug bag-ong mga obispo ug sa doktrinal nga mga butang sama sa pagpugong sa pagpanganak.

Sa politika, ang Katoliko grabe kaayong nabahin, ang uban sobra ka konserbatibo, ang uban nagapaluyo ug sosyal nga mga reporma ug bisan sa armadong rebolusyon. Ang kasarangang Katoliko tingali naglibog niining mga pagkabahinbahin.