Usa ka Okasyong Angay Dili Nimo Sipyaton

“Ipadayon ninyo pagbuhat kini sa paghandom kanako.” Kanang mga pulonga sa atong Ginoong Jesu-Kristo, nga makita sa Lucas 22:19, gipamulong sa panahon nga iyang gisugdan ang memoryal sa iyang kamatayon. Ang kamatayon ni Jesus maoy nagbukas alang sa katawhan sa kalaoman nga maangkon ang kinabuhing walay kataposan diha sa Paraisong mga kahimtang. Busa ang iyang kamatayon maoy butang nga kinahanglang atong handomon. Saulogon ba nimo ang memoryal niini karong tuiga?

Palihog dawata kining imbitasyon gikan sa mga Saksi ni Jehova sa pagduyog kanila sa paghandom niining hinungdanong okasyon. Ang maong pagsaulog maoy tapos sa pagsalop sa adlaw sa petsa nga motumbas sa Nisan 14 sa lunar nga kalendaryo sa Bibliya. Timan-i ang petsa diha sa imong kalendaryo aron dili ka malimot. Kini maoy Sabado, Marso 30, 1991. Ang nagahatag kanimo niining imbitasyona makatug-an kanimo sa eksaktong dapit-tigomanan ug oras.