Ang Panglantaw sa Kinabuhi sa Usa ka Abogado

LIFE​—How Did It Get Here? By Evolution or by Creation? Milyonmilyon ang namalandong mahitungod niini. Ang bug-os nga pagkadukiduki, ang 256-panid nga librong may ulohan nga anaa sa itaas gipatik niadtong 1985 aron sa pagtuki niining mga pangutanaha. Sa pagkakaron, kapin sa 26 ka milyong kopya sa libro ang napatik na diha sa 28 ka pinulongan. Human nga nabasa kini, ang semi-retiradong abogado misulat agig apresasyon:

“Kapig duha ka tuig ang milabay, nabasa ko kini upat na ka beses ug nakadayeg gihapon sa matugkaron nga pagtuon, binatid nga pagkasulat, ug dokumentasyon nga nahimo sa paggama niining libroha.

“Palihog padayon sa pagpatik niini. Kining libroha angay mabatonan sa matag tawo sa kalibotan. Kon kini mahitabo, ang tanang mga pagpanaway ug kalibog mahitungod sa atong mga sinugdanan ug ang ateyestikong mga pagtuo mawagtang dihadiha.

“Ako nakatapos sa abogasiya ug sa political science ug history ug walay mahinumdomang bisag usa ka libro nga tin-aw ug gamhanan kaayong naghan-ay sa mga hilisgotan niini. Ang bibliograpiya dili ikatandi.”

Kon buot kag dugang impormasyon mahitungod sa sinugdanan sa kinabuhi sa yuta ug sa katuyoan niini, palihog pagsulat sa Watch Tower, P.O. Box 2044, Manila 1099, o ngadto sa hustong direksiyon nga gilista sa panid 5.