Pag-atubang sa mga Pagbati

Ang pagbuhat niini nga malamposon maoy usa ka tinuod nga hagit. Giasoy sa usa ka batan-on ang iyang kasinatian. “Gibati ko ang kalipay, apan sa pagkasunod gutlo gibati ko ang grabe nga kaguol. May mga panahong dili ko hisabtan kon unsay akong gibati. Ingon sa daw bug-os akong nawala diha sa kangitngit. Dili ako makapahayag sa akong kaugalingon ug kon unsay akong mga pagbati bisan kinsa pa ang akong ikaestorya, dili bisan sa akong kaugalingon. Gibati ko nga wala nako makuha ang pagtagad sa mga tawo sa akong palibot, ilabina ang akong mga kauban sa eskuylahan, tungod kay dili kaayo ako maanyag. Sa ulahi kining maong mga pagbati nakapaluya sa sulod nako, ug nagsugod ako sa pagkasuko sa akong kaugalingon ug sa akong personalidad.”

Ang dalagita adunay usa ka kopya sa librong Ang Imong Pagkabatan-on​—Pagpahimulos sa Labing Maayo Niini. “Makaiikag kaayo kadto,” siya misulat, “busa nawili ako sa pagbasa sa sunod nga kapitulo, ‘Pagpadulong sa Pagkadalaga.’ Dili ako makatuo sa akong gibasa. Ang kapitulo nagbatbat gayod sa akong gibati karon, dugang pa sa gibatbat niini kon nganong mao kanay akong gibati. Makapadasig kaayo ang pagbasa nga normal nga bation kini. Kinahanglang masayran ko lang ang hustong paagi sa pag-atiman niini.”

Gawas pa nga makatabang sa kabataan sa pag-atubang sa ilang mga pagbati, kining libroha naghisgot sa mga butang sama sa pag-abuso sa droga ug sa mga tubag sa mga pangutana, Angay bang moinom ang mga batan-on ug maisog nga ilimnon? ug, Angay bang makigsekso sila sa dili pa maminyo. Kon buot ka ug dugang impormasyon o usa ka libreng pagtuon sa Bibliya sa balay, palihog pagsulat sa Watch Tower, P.O. Box 2044, 1099 Manila, o sa hustong direksiyon nga gilista sa panid 2.