Mga Magtutudlo Mihatag Higayon sa Paglalang

Usa ka tunghaan sa Berlin, Alemanya, nagpasundayag sa usa ka dakong bongbong ug usa ka dibuho nga naghulagway kon sa unsang paagi ang samag-unggoy nga mga hayop kunohay nahimong modernong tawo. Sa pagtungha usa ka adlaw, ang mga estudyante nakakaplag nga ang hulagway gipintalan ug puti. Unsay nahitabo?

Usa ka 16-anyos nga estudyanteng ginganlag si Natalie, usa sa mga Saksi ni Jehova, nangutana sa iyang magtutudlo sa biolohiya kon nganong ang hulagway gipala. Ang magtutudlo misaysay nga usa ka estudyante mihatag kaniyag kopya sa Life​—⁠How Did It Get Here? By Evolution or by Creation? Nakadayeg siyag maayo sa libro nga iya kanang gipakita sa ubang mga magtutudlo sa biolohiya sa eskuylahan. Ang libro nakadani usab kanila.

Busa, ang mga magtutudlo nagdesisyon nga sapawan ug pintal ang hulagway, kay sila miingon, ‘aron malikayan ang abanteng pagkondisyon sa mga pangisip sa mga estudyante.’ Mao nga inay sa pagtudlo lamang sa mga estudyante sa teoriya sa ebolusyon, ang mga magtutudlo nagplano usab sa pagtudlo sa paglalang, nga gamiton ang materyal gikan sa Life​—⁠How Did It Get Here? By Evolution or by Creation?

Kining makaiikag nga publikasyon gipublikar sa mga Saksi ni Jehova, usa ka internasyonal nga organisasyon sa kapig upat ka milyong mga estudyante sa Bibliya nga debotado sa pagtabang sa mga tawo nga makakat-on ug dugang mahitungod sa mga katuyoan sa Diyos. Kon gusto ka ug dugang impormasyon o usa ka libreng pagtuon sa Bibliya, palihog pagsulat sa Watch Tower, P.O. Box 2044, 1099 Manila, o sa tukmang direksiyon nga nalista sa panid 5.