Tabang Alang sa mga Tawong Nanginahanglan

Ang tabang mao gayoy buot itagana sa tanang maayog-tuyong mga tawo. Apan unsang matanga sa tabang? Ug sa unsang paagi kini igahatag? Usa ka maayong tawo misulat sa sangang buhatan sa mga Saksi ni Jehova sa Netherlands sa miaging Oktubre ug gipatin-aw kon sa unsang paagi buot niya nga makatabang.

“Sa miaging Sabado,” siya miingon, “gitanyagan ako ug usa ka gamayng tract nga nag-ulohang Kinabuhi sa Usa ka Malinawon Bag-ong Kalibotan. Nagtuo ako nga usa gayod kini ka maayo ug daling masabtan nga tract nga may maayong mensahe. Daw alang kanako angay kini sa mga tawo nga may dagkong mga suliran, mga tawo nga nagkinahanglan gayod ug tabang, mga tawo nga malipay sa pagbasa sa maong tract.

“Duol sa akong eskuylahan, sa Laurenskerkplein sa Rotterdam, kanunay nga adunay daghang bugoy, mga alkoholiko, ug mga giyanon sa droga nga nag-istambay. Gusto ko nga makadawat ug daghang tract gikan kaninyo, nga akong ihatag kanila. Dili ko gayod ihatag kini nga mapugsanon. Ang akong ideya mao ang paghatag kanila ug butang nga makadani kanako iniglabay nako.

“Hinaot tabangan ninyo ako niining bahina. Nanghinaot ako ug dakong kalamposan sa inyong buluhaton!”

Ang mga Saksi ni Jehova debotado sa pagtabang sa mga tawo nga makakat-on ug dugang bahin sa mga katuyoan sa Diyos. Kon buot nimog kopya sa gihisgotan-sa-itaas nga tract o nagtinguhag usa ka libreng pagtuon sa Bibliya sa balay, palihog pagsulat sa Watch Tower, P.O. Box 2044, 1099 Manila, o sa nahiangay nga direksiyon nga gilista sa panid 5.

[Hulagway sa panid 32]

Kinabuhi sa Usa ka Malinawon Bag-ong Kalibotan