Kadto Maoy Nakaaghat Kaniya sa Pag-ampo

SI Karen, usa sa mga Saksi ni Jehova sa Estado sa New York, miingon nga iyang gipadad-an ang iyang inahan ug librong Pagpatalinghog sa Dakong Magtutudlo. “Akong gihatag kang Mama ang libro,” sulat ni Karen, “para sa akong nuybe-anyos nga pag-umangkon, si Jamie, aron basahon magabii.” Si Karen misaysay: “Gisulatan nako si Jamie ug giingnan nga kinahanglang basahon niya kadto matag gabii sa balay sa iyang Lola, ug siya makabaton ug maayong mga hunahuna una pa matulog.”

Ang inahan ni Karen, nga dili usa sa mga Saksi ni Jehova, sa ulahi miingon kang Karen nga si Jamie mihigda ug misugod sa pagbasa sa libro. Pagkasunod buntag siya miingon nga siya nag-ampo alang sa iyang masusong igsoong lalaki (nga gioperahan) una siya natulog. Natandog ang inahan ni Karen niini tungod kay wala siya maghunahuna nga si Jamie nakaampo sukad.

Si Karen misulat: “Kadto maoy gamhanan gayod nga libro kon kadto nakapahinabo sa usa ka nuybe-anyos sa pag-ampo human mabasa ang gamayng bahin lamang niana. Labaw kadtong nakapabili nako sa gahom niining basahona. Sa akong hunahuna kadto nakadani pa gayod sa akong mama tungod kay siya miingon nga iyang namatikdan nga ang libro nagpatunghag daghang pangutana ug walay duhaduha nga nagatudlog maayong pamatasan ug dili lamang mga estorya.”

Kon buot nimong makadawat ug usa ka kopya sa Pagpatalinghog sa Dakong Magtutudlo o makabaton ug usa ka pagtuon sa Bibliya, palihog pagsulat sa Watch Tower, P.O. Box 2044, 1099 Manila, o sa nahiangay nga direksiyon nga gilista sa panid 5.