Usa ka Okasyon nga Kinahanglang Dili Nimo Sipyaton

“Padayong buhata kini sa paghandom kanako.” Kadtong mga pulonga sa atong Ginoong Jesu-Kristo, nga makita diha sa Lucas 22:​19, gisulti sa panahong iyang gisugdan ang Memoryal sa iyang kamatayon. Ang kamatayon ni Jesus mao ang nagbukas sa katawhan ug palaaboton nga makabaton sa kinabuhing walay kataposan diha sa Paraisonhong mga kahimtang. Busa ang iyang kamatayon maoy butang nga angay natong dumdomon.

Pagasaulogon mo ba ang Memoryal niana niining tuiga?

Palihog dawata kining pagdapit gikan sa mga Saksi ni Jehova nga makigtigom uban kanila sa paghandom niining hinungdanong okasyon. Kini nga kasaulogan himoon human sa pagsalop sa adlaw sa petsa nga katumbas sa Nisan 14 sa lunar nga kalendaryo sa Bibliya. Niining tuiga kanang petsaha maoy Sabado, Marso 26. Ang mga Saksi ni Jehova sa inyong dapit makasulti kanimo sa dapit ug sa eksaktong oras nga kining okasyona pagasaulogon diha sa inyong komunidad.