Ang Bibliya ba Maoy Laing Libro Lamang?

Kon mao, nganong kini mapintason kaayong giatake sa tibuok kasaysayan? Makasalig ka ba sa Bibliya? Ang mga milagro ba nga girekord niini nahitabo gayod? Napamatud-an ba sa siyensiya nga sayop ang Bibliya?

Ang makapatagbaw nga mga tubag sa maong mga pangutana makaplagan diha sa librong Ang Bibliya​—Pulong sa Diyos o sa Tawo? Usa ka libraryan ug magtutudlo sa Budapest, Hungaria, nakadayeg kaayo sa basahon. Sa usa ka sulat nga gipadala sa sangang buhatan sa mga Saksi ni Jehova sa Hungaria, ang tawo miingon:

“Usa sa mga librong debulsa nga inyong ginaapod-apod nakapukaw sa akong interes. Ang ulohan maoy Ang Bibliya​—Pulong sa Diyos o sa Tawo? Nanguna ako sa usa ka grupo sa among tunghaan ug nagatudlo kanila sa Bibliya. Apan ako walay makuhaan niining gamay nga basahon. Kon posible, mahimo bang padalhan ninyo ako palihog ug 30 ka kopya aron dugang ug dugang nga mga batan-on ang moliso kang Jesu-Kristo ug makakat-on sa dalan ngadto sa matuod nga kinabuhi?”

Kon buot nimo nga makadawat ug usa ka kopya niining gahig-hapin 192-ka-panid nga libro o makabaton ug libreng pagtuon sa Bibliya sa balay, palihog pagsulat sa Watch Tower, P.O. Box 2044, 1099 Manila, o sa nahiangay nga direksiyon nga gilista sa panid 5.