‘Ang Nakaluwas sa Kinabuhi sa Akong Anak nga Lalaki’

Usa ka inahan sa California, T.B.A., misaysay nga ang nakaluwas sa kinabuhi sa iyang anak nga lalaki mao kadtong iyang nabasa diha sa Ang Bantayanang Torre ug sa kaubang magasin niini, ang Pagmata! Siya misulat:

“Ang akong gamayng anak nga lalaki (kuwatro anyos) ug ako gikidnap nga gitionag pusil ug gipugos sa pagmaneho paingon sa akong bangko. Gikawatan ako sa tig-atake, apan akong naagaw ang akong anak nga lalaki ug miikyas. Gibati ko nga ang nakaluwas gayod sa akong kinabuhi ug sa akong anak nga lalaki mao ang praktikal nga mga sugyot sa Bibliya nga gipatik niining labing bililhong mga magasin.”

Ang inahan dugang misaysay: “Sa sayo pa nakabasa ako sa usa sa mga magasing Pagmata! kon unsaon sa pagpabiling kalmado kon mag-atubang ug peligrosong kahimtang nga sama niini. Dihadiha miampo ako kang Jehova nga Diyos nga tabangan ako nga makapabiling kalmado. Napakalma ko usab ang tig-atake pinaagi sa pagkutlo ug mga teksto sa Bibliya ngadto kaniya.”

Ang katuyoan sa Ang Bantayanang Torre ug Pagmata! mao ang pagpakita nga ang atong magubot nga panahon gitagna na sa Bibliya. Nagatagana usab kini ug tabang alang sa mga tawo sa pagsagubang sa malisod nga mga kahimtang karon. Apan ang mga magasin nagahimo ug labaw pa. Ginapasiugda niini ang bugtong dumalayon nga sulbad​—ang Ginghariang kagamhanan sa Diyos nga gitudlo ni Jesu-Kristo sa iyang mga sumusunod nga iampo. (Mateo 6:9, 10) Ikaw makabaton gayod ug kaayohan gikan sa regular nga pagbasa sa Ang Bantayanang Torre ug Pagmata!

Kon buot ka ug kopya sa Ang Bantayanang Torre ug Pagmata! nga ipadala sa imong balay, palihog pagsulat sa Watch Tower, P.O. Box 2044, 1099 Manila, o sa nahiangay nga adres nga nalista sa panid 5.