Ilang Nadawat ang Unang Ganti

Duha ka estudyante sa Madras, India, samang nakadawat sa unang ganti alang sa ilang modelo nga estasyon sa wanang nga may salakyanan sa wanang ug lansaranan. Diin kining batang lalaki ug babaye, nga makita niining letratoha, nakakuhag ideya alang sa ilang proyekto?

Ang mga batan-on miingon diha sa usa ka sulat ngadto sa mga magpapatik sa Pagmata!: “Among pahimuslan kining higayona sa pagpasalamat kaninyo ilabina, sanglit nakuha namo ang mga ganti tungod lamang sa mga seryal bahin sa pagsuhid sa wanang nga migula sa Septiyembre 8, 1992, nga Pagmata!”

Ang Pagmata! gipatik alang sa kadan-agan sa tibuok pamilya. Ang mga kustombre ug mga tawo sa daghang kayutaan, ang mga katingad-anan sa kalalangan, praktikal nga mga siyensiya, ug mga punto nga makaikag sa tawo maoy lakip sa tanan nga ginahisgotan niini. Pinaagi sa paghimo sa Pagmata! nga regular nga mabatonan sa imong panimalay, matabangan nimo ang imong mga anak sa pagpauswag sa ilang kasagaran nga kahibalo, nga makabenepisyo kanila diha sa tunghaan ug sa ulahi nga kinabuhi.

Kon buot ka nga makadawat ug dugang nga kopya sa Pagmata! o buot nga adunay moduaw kanimo sa imong balay aron hisgotan uban kanimo ang bili sa edukasyon sa Bibliya, palihog pagsulat sa Watch Tower, P. O. Box 2044, 1099 Manila, o sa nahiangay nga adres nga nalista sa panid 5.