Kini Nakadani sa Iyang Pagtagad

Niadtong Mayo 1995 usa ka babaye sa Siyudad sa New York misulat sa punoang mga buhatan sa mga Saksi ni Jehova sa Brooklyn, New York. Siya miingon:

“Ako naglakaw sa East 124th St., sa tunga sa First ug Second Avenue. Nakatan-aw ako sa ubos, ug napalid sa hangin ang pipila ka tract. Miduko ako ug gipunit ang tulo sa inyong mga tract, Kahupayan Alang sa Naluya, Magkalipay sa Kinabuhing Pamilyahanon, ug Kinsa Gayod ang Nagmando sa Kalibotan? Gibasa nako kini ug nalingaw kaayo niini.

“Moapresyar gayod ako kon inyo akong padalhan ug pipila ka impormasyon bahin sa libreng kurso sa pagtuon sa Bibliya sa balay. Lain pa, kon mahimo, buot kong modawat ug pipila sa inyong literatura. Alang nako, kadto maoy usa ka panalangin nga gibutang sa buotang Ginoo ang tulo ka tract sa atubangan sa akong dalan aron makita ko kini. Ang Ginoo nagalihok gayod sa milagrosong mga paagi.”

Kon buot nimo nga mabasa kining nagapukawg-pagtagad nga mga tract o buot nga may usa ka pagtuon sa Bibliya sa balay nga walay bayad, palihog pagsulat sa Watch Tower, P.O. Box 2044, 1099 Manila, o sa nahiangay nga adres nga nalista sa panid 5.